صوت / حماد أبو شامه / و صدى .. الشاعر : الكثير

موكب الحرمان

موكب الحرمان

موكب الحرمان

يقول اللي زمانه ماصفاله = و..لا.. دامت لياليه السعيده
دقيقه واحده ما ارتاح باله = يصرف ذيك .. وتشرف جديده
خسر سلواه .. والحرمان ناله = تصاريف الزمن .. ماعاد بيده
من أيام السعاده .. مابقاله = سوى ذكرى .. تضره .. ماتفيده
تعيده للوراء .. وقتٍ مضاله = ليالي غيرها.. ماجت حميده
وعزي للذي .. مثلي جراله = همومٍ من زمانه .. هي : رصيده
رحل به (موكب الحرمان ) شاله = إلى ساحة غرابيلٍ .. عديده
نصيبه .. للمآسي .. قد .. نواله = يخلي حالته .. حاله زهيده
وهذي .. حالة الدنيا .. وحاله= يصورها .. من الواقع قصيده

* حماد ابو شامه

ولا حماد محرومٍ لحاله
.

عسى ماباس .. ياقلبٍ شكاله = همومٍ بالشقى .. دايم تعيده
نفى درب السعاده .. عن مجاله = وصار الهم يوقد .. به وقيده
ما ألوم اللي حميداتٍ خصاله = تنكد من شقى دنيا عنيده
وأنا .. بي هم .. من زود احتماله = عسى درب السعد يجني حصيده
ولا حماد محرومٍ لحاله = على غيره .. ترى الدنياء شديده
أقول .. الصبر .. مانبغى بداله = أمر به ربنا .. ضمن العقيده
وكم .. همٍ عزيز الشان .. شاله = مجيبٍ يستمع .. دعوة عبيده
يعين .. اللي إلا ضاقت بحاله = لو .. إن الكرب .. في داخل وريده
أختم .. القيل وأهديك الرساله = جواباً .. للذي .. شعره نريده
وتحياتي عدد .. ماأمطر خياله = وعدد .. حرفٍ طبع فوق الجريده

* الشاعر : الكثير

روائع تتصادم بروائع
من اخي حماد واخي الكثر
ولهما هذا البيت

ياحماد ابوشامه وايضا صاحبنا الكثير=اتحفونا بالقصايد وزخات القلم
ذكرتني ياحماد القصيد ه بالكثير=كل ما ننسى نعيش الليالي بالألم
للكثير الفين معنى ومعنى كل خير=اشهد انكم يارفاقه على روس القمم