الحقيقة والخيال

عبدالله مناحي
حكمة وعبرة وعضة نتعلم منها الكثير ....من شاعر كبير يعرف كيف يصخر الكلم شعرا ويبدعة لترتقي ذائقتنا بالشعر الهادف ...شكري وتقديري لــــعبدالله مناحي ...شكر خاص

تبغى تحاربني وانا اعزل لا حـزام ولا فشـق

عشت الحياة ولا لقيت اصلف من سواتك صلف

الشاعر / عبد الله مناحي

صح قلبك ياكبير

قصيده في غاية الروعه ..

دمت في هذا الشموخ سيدي ..

ولك كل المحبه ..

أسعد السحيمي

مــــــــــــــــش خـــيــال ,, حقييييقة يا ابن منقرة
(( ابـــــــــدعــــت ))

صح عقلك وصح لسانك ......&&

صح كللك

تقبل تحيات اخووك ’’ غازي المعيصير

ياسلام عليك يابو مناحي


ابداع متميز 0 اقول بيض الله وجهك0


وتقبل سلامي وتقديرى لشخصكم النبيل

ودمتم بخير

صح لسانك ولاهنت ..



علي البلوي..

اعتذر للجميع عن الإنقطاع

بعض القصيد حروف تُكتب في هوا ميش الورق = وبعض القصايد نزف عرق القلب لامنه نزف
والآدمي يسبح في الافكار واللاش يغرق = واللي غرق في فكر راسه عن طريقه ينحرف
بين الحقيقة والخيال اشيا كثيرة تلتصق= اما الحقيقه موجعه واما الخيال من الترف
والآدمي من خلقته حتى يغرغر بالرمق= عايش ما بين الحلم والواقع ضميره ما نظف
من سابق الايام لو يتعب حصانه ما سبق= ايامنا بين المواعد والمحاري والصدف
مدري متى يا (حظ) انا وياك نبغى نتفق= بنهاية المشوار واللا عند خط المنتصف
بكره تجي لحظه وانا وياك نبغى نفترق = وليا افترقنا مايفيد الدمع لو أنه ذرف
تبغى تحاربني وانا اعزل لا حزام ولا فشق = عشت الحياة ولا لقيت اصلف من سواتك صلف
العود الازرق ينحرق والعود الاشهب ينحرق= والفرق بالدخان والقيمه ومجلاس الشرف
واللي خلقني نطفه وصارت بعد مده علق = المرجله ما كل من ياصل بحرها يغترف
اللي ضحك واللي بكى واللي سكت واللي نطق= الاربعه ما فيهم اللي لا قعد حظه وقف
وانا صبور اصبر من البندق على صوت الطلق = والملح والعبرود والرامي وتضييع الهدف

اخوي الشاعر عبدالله مناحي


صح لساانك

تشرفت بقراءة قصيدتك


فوجدت اكثر من مجرد قصيده

فهذا ليس بغريب من شاعر بقامتك

تحياتي لك