الحقيقة والخيال

اعتذر للجميع عن الإنقطاع

بعض القصيد حروف تُكتب في هوا ميش الورق = وبعض القصايد نزف عرق القلب لامنه نزف
والآدمي يسبح في الافكار واللاش يغرق = واللي غرق في فكر راسه عن طريقه ينحرف
بين الحقيقة والخيال اشيا كثيرة تلتصق= اما الحقيقه موجعه واما الخيال من الترف
والآدمي من خلقته حتى يغرغر بالرمق= عايش ما بين الحلم والواقع ضميره ما نظف
من سابق الايام لو يتعب حصانه ما سبق= ايامنا بين المواعد والمحاري والصدف
مدري متى يا (حظ) انا وياك نبغى نتفق= بنهاية المشوار واللا عند خط المنتصف
بكره تجي لحظه وانا وياك نبغى نفترق = وليا افترقنا مايفيد الدمع لو أنه ذرف
تبغى تحاربني وانا اعزل لا حزام ولا فشق = عشت الحياة ولا لقيت اصلف من سواتك صلف
العود الازرق ينحرق والعود الاشهب ينحرق= والفرق بالدخان والقيمه ومجلاس الشرف
واللي خلقني نطفه وصارت بعد مده علق = المرجله ما كل من ياصل بحرها يغترف
اللي ضحك واللي بكى واللي سكت واللي نطق= الاربعه ما فيهم اللي لا قعد حظه وقف
وانا صبور اصبر من البندق على صوت الطلق = والملح والعبرود والرامي وتضييع الهدف

عبدالله مناحي ..


حضــــور ينسينا عتب الغيــــاب ..


أطربت ناظري ومسمعي بقراءة هذهـ الباسقـــة ..


أطيب المُــنــى ،،


سلمان العرادي

اللي ضحك واللي بكى واللي سكت واللي نطق

الاربعه ما فيهـم اللـي لا قعـد حظـه وقـف

نعم الحقيقه والخيال

هي

فرح 00حزن00صمت00كلام

متضادات اربعه

وهاهي حياة الانسان لابد وان يمر بها سوى بالحظ اوبدونه

صراحه تذوقت قصيده
من شاعر كبير
مثلك
[blink]

اخوي عبدالله

[/blink]
تقبل مروري
مع تحياتي وتقديري
وفقك الله

احساسي لوعة الشاعر انا القاها مثل ماقال

تلوى في ثنايا الشعر بين المروالحالي

اخوك

محمدظاهربن صميد

العود الازرق ينحرق والعود الاشهب ينحرق= والفرق بالدخان والقيمه ومجلاس الشرف

صح لسانك على القصيدة لأكثر من رائعة

اخي عبدالله لانستغرب منك هذا الإبداع المتميز تقبل تحياتي وتقديري

صح لسانك مدد ماهي عدد....
....
ماهي غريبه على مثلك شرواك مثل هذا الذهب
.....

تقبل تحيات أخوك مرار