عيش الصرقعه لأخر قطره

داخــــــــــــله عرررررض >>> وش السالفه يا شـــــــــــــــادن..

مسيكم/ صبحكم بالخير
اوما عاااد فليتفضل مجبورا
والله لو انها اسئلة الترشيح لمنصب عمدة كفر الشيخ
واصير عمده على معيض ومحمود الجذلي والرقيقيص
وقوقل وزيدان
بس عاااد مثل ما يقولون
الهون ابرك ما يكون
والحين ودنا نجاوب مشكورين على تواضع سعادتنا بالاجابه على
اسئلتكم وبهذا يتحقق لكم الصرقعه لاخر قطره
املين ان تحوز صرقعتنا على رضا جمهورنا الكريم

كيف تكتب بدون قلم ؟
عادي مايبي لها تفنن ... العاده ما يجي لي هواية الكتابه الا براس طعس أكتب وأمسح
إلين تثبت الفكره

كيف تسيطر على جهلك ؟
بخنقه وكتم أنفاسه بقراءة كتاب
كيف تسير فوق الأشواك ؟
ألبس لي زرابيل وأتوطاها
كيف تبلع اللقمه الساخنه ؟
اما هاه ياكثر ما بلعتها بس تقدروا تقولوا من باب إيثار النفس قبل الأخرين وقبل زيدان
مايجي ويسحب رجليه يوم انا عرب وحده كنت ألقم اللقمه وازرطها زرطة حوته
وهي ساخنه واجغم لي وراه جغمة ماء المهم اني مااصدر من عند القربه غير
وخصومي طايره لها رجرجه تقل خصوم بعير مصدر له من غدير

كيف تشعر الناس بحضورك ؟
أبد ..اربط لي سطل بحبل وامليه مرو واجره مع الجرعوب الى ما كلن يسمع قرقعته
ويعرفون اني حولهم
كيف تلعب بالنار؟
اولع بعيدان الرمث واشطشط بكعب رجلي يقولون انه ما ينعلم به عن الهشل اهو منه لعب ومنه علاج

لماذا انت مزعجه ؟
انا ادري !!! لا صدق ليه مزعجه
لماذا يغلب على ردودك الغرور؟
ياخــــــــــي هالغرور صاير عندي مشكله وين ما اروح اواجه هذا السؤال
لدرجة أني أحاول جاداً أني أتنازل وأنظر في حل مشكلة الغرور

اين اصابتك "السكته" المعويه ؟
ماأذكر وين ... وين ..على وجه الدقه... بس على حسب ماأتخطفه من الذكريات أنه
مرتن وأنا جذيع على أول .. اول ميعة الصبا فحطت بسيارتنا عند ام ارقيبه اللي بطعوس
سليع وجلست اسوي خمسات وشافني احد اخواني وصقعني لي بدمس امدلقمه
على شهمة الكبد ... هنا أحسست بالسكته فجأه
لا صحيت غير وانا محيزمين بطني ويوجروني من الجعده وقالوا لي أن الامعاء عندي
متفرثنه (جايتها صقعه قويه )

اين تركت جرحك ليلة البارحه ؟
عند نور راعي المغسله جرحني ليلة البارحه يوم جا ينفض راسه مضيع طاقيتي اللي تهههههبل مافيه زيها

اين شعرت بالبرد والحر معا؟
هاك المره يوم صابتني الدشبه بعز أبو القيظ .. أن طلعت الحوش لفحتني رياح الخماسين وأن دخلت البيت قمت أرجف من برد المكيف
اين اقمت الدنيا واقعدتك !
عندما ضيعت دفتر الاحوال وقت الاكتتاب قلبت البيت وانا ادوره حتى عيال جيرانا فزعوا معي يدورونه بالحاره قومت الدنيا تقويم يامين عين لنا كرت
بس عاد بالاخير الدنيا قالت لي يارجال أهجد و لو تنقز على أبهام رجلك اليسار
لا تحلم انك تلقاه
اين شهرت سيف الفراق؟
عند اعتاب ملعب برشلونه

اين تقول :احمدك يارب؟
كل ماطالعت المرايه >>> ياخي قايل لكم الغرور مشكله

متى تعجبك السهره؟
لما يكمل العدد أربعه
متى ترفض كلمات الأعجاب؟
كل ابو اخر شهر حتى لوتنكتب فيني قصيده ماااش لاممكن ابداً

متى تجف ينابيع املك ؟
أمالي لا تجف داق لها بير أرتوازي

متى يخذلك الألهام؟
الله ابوه من ألهام وهو عمره جا معي دايم وهو خاذلني صار لي أسبوعين أنتظر
جيته ودي بمويضيع أنزله وهو مغير مطنقر ماااش
متى تفرحك الشتيمه؟
عندما يفوز الهلال على خصمه عااااد من القلب افرح
متى تخرج عن اطوارك؟
لما اصير معي 400 واللعبه دبل ويقطع خويي

متى تغلق هاتفك النقال؟
عند القيلوله عاااد كله ولا القيلوله
من قتل حلمك في المهد ؟
الوكاد أنه قوقل كنت احلم اكون لاعب مشهور بس انه في احد مبارايتنا سجلت لي قول كبري
وزعل وقص رجلي واجبرني على الاعتزال مبكرا ولا كان الحين انافس كاكا بس الله ستر على كاكا حظه زين
من قلت له احبك لاول مره؟
لحلاوة ضلوع الفاطر عندما تذوقت طعمها لاول مره
من يضايقك عند باب منزلك؟
عتبة درجنا المنكسره كل ليله وانا خاثع بها

من يستطيع القضاء عليك عاطفيا؟
فنجال القهوه من بعد القيلوله
من يشرب معك من نفس الجرح؟
جرحي لحالي ما احب احد يجغمني اياه الا كان انه وده يشربه كله عني عليه بعويفيه
من يعنيه امر جارتك ؟
ماادري يمكن عييلها

من تقول له مابين بعينك؟
هيئة سوق المال

و يعطيك العافيه اخت شادن

الاخ الفاضل / رشيد البلوي
وش هالأجوبه المبدعهـ شكلك مذاكر زين توني عرفت انك دافور ..
تستاهل جائزة نوبل للصرقعه ماشاء الله عليك
الله يعافيك امتعتنا باجاباتك واثبت انك مصرقع


شكـــــرا لكــ

ههههههههههههههه

لا تعليق أخي رشيد ياعيني عليك .
بس أموووووت وأعرف ايش يعني الدشبة؟؟ وزرابيل؟؟؟ ماحصلتها في قاموص شيبانا؟؟

أخت شادن شُكرآ .

الاخ الفاضل / الجريح ..

شاكره لك تواجدك هنا ..

يعطيك العافيه

إستضافة رائعة للأخ رشيد

الحاضر

الغائب عن القسم

أجابات بلغة محتكرة

مليئة بالذاتية المستقلة الذواقة

يراود للفكاهة تارهـ ويحآكي واقعه تارهـ

وكلها كوووم وفضخت أخوهـ بالدمسه له شي ثاني

نثرة إبداعك بشكل رائع رشيد

سلمت الأخت شادن على تحريك بعض المواهب الرائعة

يثبت الموضوع ،،،

الاخ الفاضل / سعود السرحاني .

الله يسلمكـ ..

وشكرا لك على تثبيت الموضوع ..

يعطيك العافيه ..

بصراحة وبسرعة مستعجل

مووووضوووووووووع مسكــــــــــــــــــت

لي عوده ما دام رشيــــــــد ورضـــــــــا صحو من غيبوبتهم

شكراً شادن على الموضوع المصرقــــــــع

ورضا ردودك أنت ورشيد مصررررررررررررررررقعه من جد
~~~~~
~~

~

الاخ الكريم / الفواز ..

شاكره تواجدك هنا ..

يعطيك العافيه .

داخــــــــــــله عرررررض >>> وش السالفه يا شـــــــــــــــادن..

هلا عشووووق ..

كل هذا ومانت عارفه وش السالفه

بعدين اقول لك وش السالفه ..

سعدت بتواجدك خيتوووو