حبي لشوف البر مجتاز حده

السلام عليكم ورحمة الله وبركاته

كل عام وانتم بخير

ابيات مرسلة الى الشاعر /حمود سلمان السميري

بمناسبة قرب العيد والشوق الى طلعة الديرة

وهذه الأبيات اول حرف من صدر البيت واول حرف من عجزالبيت تنازلي تحمل اسم صاحبها

فنجال دله مع صديق(ن)توده =في ديرة(ن)قفراء على حاجر السيل
اجمل من التسويق باسواق جده=اللي تفتح سوقها لآخر الليل
لا لاح برق البر جهزت عده=للبر اجهز عدتي والمعاميل
حبي لشوف البر مجتاز حده= حب ابدوي لشبة النار والهيل
عساه في غيث(ن)يجي له برده=على مرابيعه تهل المخاييل
ان كان بك ياحمودللبر شده=انا ترى جاهز ومشتاق بالحيل
ياحمود مابه عن مرافقك صده= ياشيخ لا عدو صعول الرجاجيل
ضحكتك في وجه المسير تسده=ضحكة غلا ورثتها جيل عن جيل
المجلس انته فيه عطره ونده= انته كذا ماتعشق القال والقيل
لك موقف(ن)بالخير والشر ضده=لك موهبة في حل عقد المشاكيل
سجيتك ماهي بهاته ووده= سجيتك طبع النشاما الحلاحيل
من يزرع المعروف خيره يجده=ماخاب من نقى بذور المحاصيل
ياحمود لك بالقلب عز وموده=ياحمود لك مقدار اكبر من النيل
رب الملا يحفظك من كل لده= ربي عليم الخافيات المقابيل
ياحمود جاك القول ياحمود رده=ياحمود قول لصاحبك جهز الشيل

__________________

الله الله الله




[blink]فالح عايض السميري[/blink]



فن وابداع وتعجيز



لم يؤثر على جمال القصيده



بل زادها وهي مكتملة الجمال



صح لسانك


تقبل كل الود والاحترام والتقدير

ان كـان بـك ياحمودللبـر شـده
انا ترى جاهز ومشتـاق بالحيـل
ياحمود مابه عن مرافقـك صـده
00ياشيخ لا عدو صعـول الرجاجيـل
ضحكتك في وجه المسيـر تسـده
00ضحكة غلا ورثتها جيل عن جيـل
0
صح السانك يابو عمر طال عمرك
دمت على الاابداع

تقبل اعجابي

أستـــاذي فالح السميري

صح الله لسانك وطيب فالك

نمط رائع وجميل

لك خالص ودي وتـ ح ـاياي

صح لسانك يا ابا عمر

فالح عايض:قصيده جميلة بجمال السيل عندما تخضر به الارض،وشوقتني للبر وشبة النار والدلال والهدوء والراحه لله درك ..............مبدع يالسميري

الله عليك يالسميري اجل انا وش اقول يابن العم ..

صح لسانك وسلم بنانك ولله درك ..

ودمت كما انت عزيز وغالي علينا