سولف الطلح !!

سولف الطلح ليله عن غياب الغدير =كيف عزه الاول بالاخير انكبه
بحضن عجف السنين مهولات الفقير=اهجره بالمظامي لين حت اشنبه
يلحق العرق نشه في العمق العسير=كل ضرع ايتخمن فيه قطر اشخبه
غصن يحمل ليان وغصن شيء يسير=وغصن مات ابظماه وطاح صار احطبه
بعد ماكانت اظلاله حجاب الهجير=وبعد ماكانت اوراقه اتعيش ارقبه
وبعد ماكن للشارد اترابه حصير =يرتمي به من حدت ارجوله عبه
وبعد مكان يزبن له الطير الصغير=لانفركل طير مع اسراب اعربه
يشحذ الطلح قوته ويطير ويطير=والى اظلم الليل في عشه يلوذ اتعبه
ولقبل الصبح في حله يشد الصفير=لانوى يجر شجنه كان هو مرقبه
يتبع الطير فطره كل غصن خضير=وإلى شحب شكله ابعينه طمروشطبه
قل مد السحاب وضاق صدر الكثير= والخطايا جسيمه كف ترجى هبه
للمعاصي مآسي والبوادر تشير=وطاعة الله جسر للخير لو تنتبه

الشاعر / ابو ابراهيم الحمودي


يشهد الله انني رأيت في هذا النص كثافه شعريه عجيبه ..


رغم الألم في هذا النص إلا أن الجمال يكسوه من البدايه إلا النهايه ..


مما أعجبني في هذا النص /

التشبيه الرائع والتفاصيل الدقيقه التي في هذا النص

وايضاً القصه الشعريه التي دارت بين الطلح و الغدير..


ابو ابراهيم ..


النص هذا لا يأتي إلا من كبار ..


شعر من الوزن الثقيل / ورمزيه جماليه رائعه ..



سجل إعجابي ولك كل المحبه ..


أسعد السحيمي

ابو شلفا
حياك الله
وشاكر لك
مرورك
تحياتي

همســـــات.....
شكرا لك اختي على هذا الثناء المبهج.......
والمشجع لكتابة ما هو افضل
مقدر لك هذا المرور
تحياتي

صح اللســـــــــــانكـ
ويعطيك العافيـــــه

الشاعر / ابو ابراهيم الحمودي

يشهد الله انني رأيت في هذا النص كثافه شعريه عجيبه ..

رغم الألم في هذا النص إلا أن الجمال يكسوه من البدايه إلا النهايه ..

مما أعجبني في هذا النص /

التشبيه الرائع والتفاصيل الدقيقه التي في هذا النص

وايضاً القصه الشعريه التي دارت بين الطلح و الغدير..

ابو ابراهيم ..

النص هذا لا يأتي إلا من كبار ..

شعر من الوزن الثقيل / ورمزيه جماليه رائعه ..

سجل إعجابي ولك كل المحبه ..

أسعد السحيمي

الشاعر القدير: اسعد السحيمي

حياك الله يالبناخي

واشادتك بالقصيده سرتني كثيرا، اي وربي يا اسعد

وشهاده اعتز بها،لانك شاعر تملك موهبه شعريه فذه.

ولك مني كل التقدير