بلي بلي ما شاش راسي من الماش

بسم الله الرحمن الرحيم
السلام عليكم ورحمة الله وبركاته
مصافحه أولي في المنتدى الشعبي وتعتبر أهداء لهذا الصرح الشامخ والي قبيلة بلي العريقه وهي قصيدة متواضعه اتمنى ان ترقى لذائقتكم



(بلي بلي)

بلي بلي ما شاش راسي من الماش=الا من فعول الرجال الصليبه
مطوعين الصعب والراس لا طاش=جاله من سهوم المنايا مصيبه
أما بسيف ٍ يقرش الروس قُراش=سيف ٍ بريع ٍ من سيوف ٍ حديبه
ولا برمح ٍ يخفش الكبد خُفاش=من كف قرم ٍ في المغازي هقيُبه
ولا بشلفا تفقش الراس فقاش=الروس تصبح من شباها عطيبه
بلي بلي يا مبلشه كل لباش =بأم العروق الدهم دهم الخشيبه
أم الختوم مروعه كل حناش=صنع الفرنجي فعلها ينحيبه
نيشانها نتاش للروس نتاش=كل راس ياخذ من وقدها نصيبه
ما ني علي بعض السواليف نباش=لكن حقيقه والحقيقه صعيبه
ما كل رجل ٍ حاشها قلت انا حاش=حاش العلوم الطيبه والنجيبه
وانتو كسبتو المدح من كل نواش=يا هيبة ٍ ما مثلها اليوم هيبه
من يمدح الآبطال في ذمتي عاش=في ذمتي ما يلحقه يوم عيبه
سلام مني عد ما ثار رشاش=سلام يا شروى الرجال العريبه
شروى بلي تستاهل المدح بالكاش=تستاهله من دون شك ٍ وريبه
قبل الختم بأقول كلمه من الجاش=ما تصدر الا من قريب لقريبه
أقلوبكم انقى وأبيض من الشاش=وأنفوسكم فيها كرامه وطيبه

وسلامتكم
عايض المعاوي