احتاج فزعتكم لمن يعرف احد في وزارة الماليه في الرياض

جزاكم الله خير على اعتذاركم ولو انها حازه بنفسي ان موظوعي يشوفه 76واحد ولا القى رد الا من اثنين بس
الله يعين

أخي الكريم عندي معلومة غير متأكد منها

(( أن أحد عملاء الشركة التي أعمل بها في الرياض سألني قبل سنتين تقريبياً عن شخص من قبيلة بلي نسيت أسمه ولكن المهم هذا الشخص في سكرتارية وزير المالية على حسب ما ذكر لي هذا العميل ،، والله أعلم ))

ورأي أن تسأل هناك عن هذا الشخص قد يفيدك أن شاء الله ،

بيض الله وجهك ياخوي فواز
اليوم االظهر جتني رساله بموعد المقابله الثانيه والاخيره للوظيفه
بتاريخ 17/3 وانا سمعت عن هذا الرجل اللي بالماليه بس ماعرفت اسموه قالوا لي انه عرادي
تكفون اللي يعرفه يدلني ترى ماهو بعيب اني اسأل عن جماعتي وادور النفع من الله ثم منهم

حياك اخوي يوسف اي نعم انا اللي ذبحته الواسطات وضيعت عمره
وانا كلي ثقه ولله الحمد بان ماجاي قصور من الشباب
لكن المعذره عارف اني مطفشكم في عيشتكم بهالمنتدى وتتمنون اليوم اللي ما تشوفوني فيه لكن لا تلوموني تكفون وانا ماغيرت اللقب الى اسمي الا نزولا عند رغبة اخوان لي بهالمنتدى احترمهم واقدرهم
لكن صدقوني ما استغني عن دعوه صادقه من قلب مخلص منكم في ظهر الغيب وهذا اللي انا محتاجه منكم وواجب لي عليكم

ياخي وزارة الماليه فيها واحد بلي في المرتبه الرابعه عشر اكيد لو وصلت له كان فزع لك ولكل افراد قبيلتك وهو رجل وقور وصاحب خدمة لابناء قبيلتك

الاخ ابن مساوي جزاك الله خير
قدر الله وما شا ءفعل الكلام ذا من سنه ونص كنت تقدمت لشركة كهربا ءالناصريه وهي تابعه لوزراة الماليه

واختبرت مقابلتين فيها وكان الامل ولازال بالله كبير
لكن لم يقسم الله لي فيها رزق
والحمد لله على كل حال