كيف تتصرفون في مثل هالمواقف ,, باليت الكل يشارك

بسم الله الرحمن الرحيم

السلام عليكم ورحمة الله وبركاته
أخواني الأعزاء
موضوع حبيت اطرحه ونشوف ايش بتكون ردة فعل كل واحد منكم
أنا راح افرض لك شخصية زوجتك وراح اضع أمامك ثلاثة مواقف ,, والمطلوب من كل واحد منكم أن يخبرنا كيف راح يتصرف في كل موقف

****
زوجتك أم عيالك رفيقة دربك وشريكة حياتك ، زوجة ليس مثلها أحد دينة , خلوقة ، حنونه طيبة ربة بيت على أكمل وجه , ولا ترفض لك طلب صاحبة فكر رائع , ضيوفك على العين والرأس في أي وقت تعزمهم وأنت مطمئن , أهلك حاسبتهم أهلها
راح أضعك أخي القارئ في عدة مواقف وأبي منك التصرف الصحيح والسليم
وصدقني هالموضوع يعتبر من خبرات الحياة وخاصة للشباب المبتدئين حياة جديدة

****
الموقف الأول
استقبلت ضيوفك ودخلوا المجلس , دخلت المطبخ تبي تجيب القهوة لقيت زوجتك في حالة يرثى لها من التعب ( قد لا تستطيع الوقوف من شدة الإعياء )طبعاً مافيه شغالة وأنت مو عند أهلك يعني لاأم ولا أخوات
ولاسوت قهوة ولا عشاء
ايش التصرف السليم في مثل هذا الموقف ؟


اللي راح اسويه هو اني بسوي القهوه والشاي نيابه عنها طبعا لأنها معذوره ,, والعشا طبيعي من المندي مافي مشكله .


****

الموقف الثاني
كنت في زيارة لعائلتك (بيت أهلك ) ودخلت على زوجتك ووجدتها تبكي بحرقة وهي بين أخواتك (يعني صايرة هوشة )
ماهو التصرف السليم والصحيح بهذا الموقف ؟


بالنسبه لي اول شي اسويه باخذ زوجتي واروح للبيت على طول ,, وبعد ما تهدأ بسمع منها وش اللي صاير ,, وبعد يومين بستفسر من الاخوات ,, واحاول اقرب وجهات النظر .


****

الموقف الثالث
أتتك أختك وقالت لك : ترى زوجتك قالت لأمي : انقلعي من بيتي ولاعاد أشوفك هنا
ما التصرف السليم والصحيح في مثل هذا الموقف ؟
بسأل الوالده الله يحفظها عن صدق هالكلام من عدمه ,, وان طلع صدق ,, بسمع عذر زوجتي عن نطقها لهالكلمه ,, هل بالغلط او لحظه غضب [ على حسب نفسية الزوجة]

قد تكون غلطت وندمت على نطقها لحظه غضب

وبالحاله بطلب منها تراضي الوالده , والاهم الوالده ترضى عليها

الحين ليه التشاؤم



كله مهاوشه وتعب بين الاهل والزوجه



نبي تفاؤل ,, حماس





خلاص هونت مابتزوج


اذا هذا اللي بينتظرنا ليه نتعب حالنا وتفكيرنا