الموقف الأول
استقبلت ضيوفك ودخلوا المجلس , دخلت المطبخ تبي تجيب القهوة لقيت زوجتك في حالة يرثى لها من التعب ( قد لا تستطيع الوقوف من شدة الإعياء )طبعاً مافيه شغالة وأنت مو عند أهلك يعني لاأم ولا أخوات
ولاسوت قهوة ولا عشاء
ايش التصرف السليم في مثل هذا الموقف ؟

****


اختي الكريمة بالبداية أكيد اذا كانو عندي ضيوف أو بيجون ضيوف بعرف وضعية بيتي

قبل كل شي ويكون عندها خبر المعزبـه

ولااكلف عليها الا تصليح القهوة فقط والعشاء طبعاً في كل الحالتين مجبور على اني

اجيب عشاء من برى

لو فرضنا انهم فجأة جوو هالضيوف واعتقد ذولي اللي مآعندهم ذوووق مايعطون خبر

قبلها بوقت .. أكيـد على حسب الضيوف اذا كانو زملاء واصدقاء او اقارب امون عليهم ..

ومن المدينة اللي انا فيها مثل محمود الجذلي اكيد يكون مقاهي كوفي او أخذ العزبه

والمخطط موجود وفرشه وتصليح قهوة بالهواء الطلق ( مآمن هواء بالعاصمة ) بس

نفترض

اما في حالة اذا كانو ضيوف رسميين وكبار سن صعبة أتركهم في المجلس ورايح جاي على المطبخ

تتصرف المعزبة الله يمدها بالعافية او اني اسوي مقدمات القهوة وتراقبها عن كثب واذا جهزت اخذها..
الموقف الثاني
كنت في زيارة لعائلتك (بيت أهلك ) ودخلت على زوجتك ووجدتها تبكي بحرقة وهي بين أخواتك (يعني صايرة هوشة )
ماهو التصرف السليم والصحيح بهذا الموقف ؟

أخذ زوجتي واستأذنهم واطلع بالسيارة اعرف الموضوع كامل منها بعد ماتهدأ

وانزلها لبيتي بعد مااعرف مين الطرف الثاني بالمشكلة اذا صارت اختي ونفس الوضع

اخذها من البيت واعرف منها بالضبط وش حصل واخذها لبيتي واجلسهم مع بعض واصلح بينهما

ولاتخرج اختي من بيتي وحتى زوجتي الا الطرفين راضين على بعض وتعهد بعدم تكرر

ذلكأتتك أختك وقالت لك : ترى زوجتك قالت لأمي : انقلعي من بيتي ولاعاد أشوفك هنا
ما التصرف السليم والصحيح في مثل هذا الموقف ؟

مثل ماذكر الاخوان اعتقد الزوجة الصالحة والمتربية لايصدر منها مثل هالأمـور

وفي حالة قالت لي أختي هالأمر فهي كاذبـه لاني واثق كل الثقة بآنه لايصدر من زوجتي

هالأمر لأنه الثقة حتى في هالأمور محسووبه على الزوج والزوجة

لانه اذا فعلاً فعلتها والثقة مبنية على مبدئ الصراحة والحقيقة

ستآتي لي قبل لا تقول لي اختي وتصارحني

وإذا حصل واصبح المستحيل واقعياً بأنه قالتها

فلتقولها وهي في بيت اهلها ..


الله يهديك آخت خيالة تونا بدري على هالسوالف مامدنا نقول بسم الله ..

سلمتي على ماطرحتيـه وفعلاً فائدة كبيرة عندما

يستفيد الاخرين من تجاربكـ ..