حضوري في غيابي

السلام عليكم ورحمته الله وبركاته


.


.


فقط لغرض التواصل مع الذائقه الرفيعه



ووهي بكم حاضره بكل تفاصيل الشموخ



فلعلي ارتقي الى رضاها


من خلال هذه المتواضعه


.

.

من دون شك (إ) محسوب ولي حضور (إ) محسوب=لو بأكثر أوقاتي استحسن غيابي .. وأغيب
وأكيد ما ني على هذا.. و ذاك.. (إ) مغصوب=أمشي بكيفي .. وما لي غير ربي حسيب
حر .. وعلى كل حال .. وفي جميع الدروب=تحكمني أخلاق مسلم .. واعتبارات ذيب
لا شفت مغنم .. على كسبه .. سبقت الهبوب=وإذا أنتها دوري ارحل ... وان دُعيت استجيب
مثل الغمام إن حضرت .. أمطرت .. في كل صوب=وان غبت .. عذري غيابي والقدر والنصيب
في غيبتي بالرخاء .. لا صار كلن ينوب=أحفظ مقام .. ومكان .. وقدر ... وأبقا حبيب
وبالانعزال اندمج مع نفسي ... وفيها أذوب=وادخل تفاصيلها ... وأنا .. المريض .. الطبيب
أفتش أركانها ... واستغفر الله وأتوب=من كل ما أسررت ... من وقت الصبا للمشيب
استغفر الله ربي .. عن جميع الذنوب=وأنا بشر.. طول ما ني عايش .. اخطي وأصيب
اخجل من (إ)عيوبي ... إن عديت كل العيوب=يا الله يا ربي أسترني بها .. يا مجيب
واكتب لي بشرق وبغرب وشمال وجنوب=حب و قبول ... استشفه في بعيد وقريب
غير المحبه .. من الدنيا .. لو أملا الجيوب=ما يثمر.. وعكس ما أبغى .. ما يميّز .. يعيب
يا عملة الوقت .. وجهينك .. شروق وغروب=تعاكسن لين .. ما خلن علينا .. غريب
الموقف اللي ما ينقذ منْه .. حتى الهروب=من غلطتي طحت فيه .. وشفت شيً عجيب
رمتني النيه البيضاء.. بقاعة غيوب=ولمّت على حالي .. أعوان الزمان الصعيب
وفي ضيقتي والرخاء .. سواد بعض القلوب=أتخيله .. من ورا حدب الحنايا .. صليب
يا شين صمت الحسود ... وشين هرج الكذوب=ويا مشين الاجتماع ... اللي على غير طيب
وأنا وكاد (إ) محسوب ولي حضور (إ) محسوب=لكني أحيانا استحسن غيابي وأغيب

.



.



تحياتي

من دون شك (إ) محسوب ولي حضور (إ) محسوب=لو بأكثر أوقاتي استحسن غيابي .. وأغيب

محمد عوده القويعاني صح السانك وسلم بنانك على هذا الكلام الدرر والجزل وشهادتي فيك مجروحه

ولكن انامن المتابعين والمتذوقن لشعرك يعطيك العافيه وننتظراشراقتك المقبله بفارق الصبر

وتقبل تحياتي ومرورى المتواضع

صح لسانك

مدد بلا عدد

حضور وافي

الله يعطيك العافية

لك خالص تحياتي

من دون شك (إ) محسوب ولي حضور (إ) محسوب=لو بأكثر أوقاتي استحسن غيابي وأغيب


محمد عوده القويعاني صح السانك 0

الحقيقه مادري ايش اقول مالقيت كلام اجمل من القصيده وصاحبا

ولكن اتمنى لك التوفيق والسداد

وتقبل سلامي وتقديري

ودمت بحفظ الرحمن يامحمد

محمد القويعاني

رمتنـي النـيـه البيـضـاء.. بقـاعـة غـيـوب
ولمّت على حالـي .. أعـوان الزمـان الصعيـب

صح السانك

نص جزل ياأستاذي

مودتي لك

اخي محمد

تدري وش عيب هذه القصيدة

انها جعلت بين ابياتها غيره على جمالها

فكل بيت اجمل من غيره

وصح لسانك على هذا الشموخ الغير مستغرب من محمد عوده