صراحة

هيضت مكنون الضمايـر بـالاوراق=ودي ادولـه خـاطـري واتـسـلا
من شاية" لا اوحيت صدري بها ضاق=اونست في صـدري لواهيـب مـلا
مدري ولا ادري كيف تفسير الاعماق=متشابكات هجوس فـي عـود سـلا
والله لـولا نــوب للهرج نفـتـاق=لااقـول صمتـي للهواجيـس حـلا
ولولا بسوق الساق نسعى بـالارزاق=ما اسوق رجلـي بالعنـاء واتحـلا
عجزت اميز بيـن خايـن وصـداق=الكـل فـي طـرد المصاليـح ولاء
نوبات اقول العيـب فينـي ولافـاق=واقبـل معاذيـر الخـوي لا تخـلا
اثر المجامل غـش والغـش بـواق=واشوف ضحك الـنـاب بالعـيـن زلا
واثـر المعاتـب للمخاليـق صفـاق=مانـي علـى كـل الخلايـق مـولا
ياعين جاكِ من عناء الليـل سـراق=هم" مضاريبـه علـى القلـب سـلا
واقلبي اللي بين الاضـلاع مـا لاق=يشحـن كنينـه بيـن دق" وجــلا

الشاعر الجميل / الهجان


صح لسانك ..


بكل أمانه .. نص مليء بالشعر ..


قافيه مميزه ومفردات عذبه ..



نص كالنور .. نرى من خلاله تجربه شعريه كبيره لهذا الشاعر ..


منت سهل .. وانتظر الجديد

محبتي

أسعد السحيمي