][ مــلحمـــة قبيلـــة بلـــي ][ > دعوه لمشاركة جميع الشعراء

1 *هنا وقفه / مع التاريـخ والأمجـآد والفرسـان=هنا نكتب جميع أللـي حصـل لآجدادنـا الوافيـن
هنـا تتزاحـم الابـيـات والافـكـار والقيـفـان=لجل ربعن على كسب المعـارك باللقـى ضاريـن
هنا ربعي بلـي أهـل الكـرم والجـود والميـدان=تفـز بذكرهـم كـل السطـور وذكرهـم للحـيـن
لهم في صفحـة التاريـخ عـزّ وبالوفـا عنـوان=رجال ٍ ترخص الغالي على شـان الوطـن والديـن
2 * وهنا التآريخ لو يقدر يسولف لك بدون إلسـآن=عن أمجآد الصحآبه من بلي فـي معركـة حطيـن
وعن غزوة بدر .. وإحنيّن .. يوم إن إلتقـى الجمعـان= نخوض المعركه .. مثل الذيابه .. للدمآ ضامين
وعن المُجذْرّ .. وعبدالله .. إبـن عمـرو .. إبـن فـاران=وعن عمرو إبن سُلمه .. وإبن خشخاش * والباقيـن
قسـم بمنزّل التـورات .. والانجيل .. والقـرآن=يقول : إنّآ نصرنا الحق .. يـوم إن البشـر غآديـن
3 * هنا كعب .. وهنا جشم .. وهنا طلحـه .. وإبـن بيجـان=سيوف المعركه صلداء .. محـال ان السيـوف تليـن
صحابـه دمهـم عطـّر .. لنـا التاريـخ بآلأيـمـان=نخل باسـق .. يطـول العـز .. جـذره نَاظـر لعلِيـن
لنا تاريـخ .. فـي بـدر وتبـوك .. بسالـف الأزمـان=فتحنا مصـر .. والمغـرب .. فتحناهـا وعلينـا ديـن
علينا دين .. مايبقى علـى عـرش الكفـر .. سلطـان=وفينا الديـن والمكيـال .. زدنـا فـي وفـاه سنيـن
4 * وابي زمعه .. مع اللي شاركوا .. في بيعة الرضوان=مع ابن العاص شارك .. في مصر .. في ما مضا من حين
وشارك مع رجال الدين .. مـع قـوات ابـن عفـان=مع اعيـان الصحابـه .. والصحابـه كلهـم وافيـن
وابن عقيـل > ابفكره وسيفه معادي .. الاوثــان = وابن أقوم ْ .. وبن طارق .. رجالٍ فالعسر والليـن
5 * وهَذا : الفخر وإن قلنا هنا /يعني ( هنا ) من شان = نصحي غفـوة الحاضـر بكلمـة واسمعوهـا زيـن
(بلي ) قلها : يقول إلك الزمـن والنعـم بالشجعـان = قبيلة قولهـا : فعـل الرمـاح وفعـل أبـو حديـن
لنا وقفات من غزوة بـدر لـمـس بجبـل دخـان = علـى خـط المنايـا والشهـاده مطلـب الداعيـن
ولنا وسط الجزيره منـزل وقـدر وحـدْود وشـان = هنا : با أرض الشمال ومملكتنا بين رمـش وعيـن
سكنـاهـا / حمينـاهـا ولاح الأمــن للعـربـان = وعاهدنا ( معزي ) جعلـه الجنـه آميـن .. آميـن
وعلى العهد الـ/ هل ( العوجاء ) بقينا والفعل برهان = دعـا الواجـب جنـوب وكلنـا صرنـا جنوبييـن
أقولـه و القبايـل نعـم فيهـم مابـهـم نقـصـان = وكـل(ن) لـه فعـول .. وللمراجـل كلنـا عجليـن
أقولـه وافتخـر وقضاعـه تقـرب لنـا الجهنـان = ولا به غيرهـم بقضاعـه وكثـر الحكـي تخميـن
قٌضاعه راس ساس وعز والمنسـب الـى قحطـان = ( وحنا ) شيوخنا الباشات مقدم قـوم فعـل إيميـن
شيوخ وذكر فريـس وفعـول وحـق كـل إنسـان = يفاخر لكن التحريـف زوده نقـص غصـب يبيـن
لأن اللي بلا ماضي على (الهامـش ) بـلا حقـران = ولا خير برجـال(ن) ذكرهـم يفنـى وهـم حييّـن
6 * وإذا قالوا ( كرم ) ياليت منهو يسأل الضيفان = سؤالك / راح تلقاله جوابه .. والعلوم تبين
نعبد الله ونخافه .. نصوم .. نأدّي الأركان = نجود بكل مانملك .. نضحّي .. نطعم المسكين
وإذا شفنا رجل محتاج .. من أيت قبيله كان = نبي نسعى .. نبي نركض .. لجل وضعه عساه يزين
نزيد الكيل ماتلقاه .. في لحظه يجي نـَقصَان = وتلقانا .. على خير الأمور .. تشوفنا ماشين
ولا فينا من يهاب الصعاب وفورت البركان = نفزّ .. ولو مماشينا جمر .. واندوسها حافين
7 * ربينا للمراجل لين صرنا نرجّح الميزان = نعادي من يعادينا .. ولا حنى ابد عاديّن
لأن سيوفنا قبل العقول تصافق الأيمان = سوالف طفلنا الاصغر > يبي له درع ٍ وسكين
8 * هـنآ لابـة معـآديهـآ يشوف الموت بـ الأكـفـآن =حفـر قـبره بـيـدّينـه وضاع بغلطـة الكفيـن
رجال قلوبها تقسى بوجه البايق الخـوان = صعـوط المعتـدي سقمّ الخبيث مفرّق الصفين
بـلي{زبـن الدخيل} اليّ لقى بديارنـآ مزبان =زبـن { لا به} مواقفـها تعسف الكآيـده وتليـن ..
يـعسفون الصعيبـه والصعيبـه للبطل نيشان=ينشّنها .. ينشّنهـآ.. يصيب .. وللفشق تثمين
هنـآ لا بـه لهـآ التآريخ فآح بريحـة الريفآن =ولـهم بآلحآظـر الزآهـر فعآيل تبهج العينـين
9 * ملكنا خادم البيتين .. خلـّى هالوطن بستان = حبيب الشعب من ربعن رجال ٍ كلهم غالين
خدم دينه .. وفا لشعبه .. وحاور باقي الاديان = بنا كل الجزيره وأصبحت أحلى من اليسمين
بناها لين صارت هالوطن .. محكومة السيسان = ولا همّه من العذال .. والحسّاد .. والواشين
عطا من ماله لغزه .. بناها ثم دعم لبنان = سعى يم السلام > ورافض ٍ بأفكاره التوطين
نظر يم السما وايضا .. فرد في جوّه الجنحان = وحلـّق بالوطن يم النجوم .. معرّب الجدين
يمينه سيف وحدوده .. شطيره والأسم / سلطان = منابع خير ماجفـّت .. عطاها كل لحظه وحين
يمينه لا عطت تعطي .. جميع الناس بالمليان = ولا تبخل على مد ّ الجزايل .. والعرب دارين
ولا ننساك يالفارس .. وسيع المعرفه > سلمان = حكيم وشوره الماشي على القاصين والدانين
فهيم وراكز برايه .. سديد مهوّل الأذهان = واذا شافه عنيد الراس شف راسه تراه يلين
وطنـّآ ياوطنـّآ .. ياوطن بسم الله الرحمن = عليك .. وهالبشر دايم .. تحسد الزين والزينين
ألينك ياوطن فخر وسنام لباقي البلدان = وألين الشعب في حضرة جنابك كلهم راضين
10*عسى ربي يدوم العز وأهل العز والاحسان=تجـمعنا تـحـت حـكـم السعود ونخله وسيفين
ولآنآ للوطن مبطي ولآ يجري مع الشريان=ولاخنّـا وحنّا بسـم ربي دوم متكلين
ومن دون الوطن أرواحنا تبقى تراها رهان=ونردع كل متعدي جهل حد السعوديين
ويبقى المجد في دار السعوديّه قديم ٍ بان= هذا قول الصحيح وخل عنـّك هرجة الحاكين
وانا سعودي وانا قضاعي يفز العز فز حصان=لنا تاريخ متحصره كتب برفوف مجتهدين

الابيات حسب الترتيب بالأرقام

1- للشاعر / أسعد السحيمي
2- للشاعر / ثامر ظميان
3- للشاعر / موسى الحمراني
4- للشاعر / عبد العزيز سالم الوابصي
5- للشاعر / عايد السميري
6- للشاعر / أسعد السحيمي
7- للشاعر / رشيد الفاضلي
8- للشاعر / عبد اللطيف الحمراني
9- للشاعر / أسعد السحيمي
10-للشاعر / سلطان القنيدي



\

/

\


وسامحوني على القصور