ريما تعالي يَمّ حضني وانا آبوك

ريما تعالي يَمّ حضني وانا آبوك=شوفي جروح(ن) من سببها تألَّمت
شوفي قريب(ن) شِلت قِدَّامه الشُوك=الشُوك ردَّه وَسط جوفي و تِسمَّمت
المشكله لَمَّن بَعَد طِيبي أوذُوك=الطيب جاني الزَمَ الجرح بالصَّمت
ياطيب مادري وش بلا النَّاس ياطوك=طيب(ن) فَعَلته مانِدَمت و تِكَلَّمت
المشكله لَفطرت تاكل لَحَم خُوك=و البارِحه من جُود خِيرَه تِوَلَّمت
هذي عقارب لانتهو منك عافوك=لامن بغوا منك المصالح تِقَدَّمت
وِدِّي ياريما أذكر اللي يفيدوك=فِهم(ن) و علم(ن) من أبوي و تعلَّمت
لاتِعطي بالك للّي بالكِذب يطروك=مِن نَسلِ جَدِّك بالمَراجِل تِوَشَّمت
إحذَر تِردَّ السِّم في حَلق صعلوك=الأفعَى تاكل سِمَّها لو تحلَّمت
للخيرِ بحر(ن) للأجاويد مَملوك=موجَه عظيمه مِن سِقَتني تِزَعَّمت

من صدمااااااات هالدنيا


لكم ودي


خالد البلوي

ــــــــــــــــــــــــــــــــــ
إحذَر تِردَّ السِّم في حَلق صعلوك=الأفعَى تاكل سِمَّها لو تحلَّمت

الله يكفينا شر الصعاليك يابو ريما
والصعاليك ما يبي لهم طيبه

يبي لهم و ط ي



تقبل مروري

ــــــــــــــــــــــــــــــــــ
إحذَر تِردَّ السِّم في حَلق صعلوك=الأفعَى تاكل سِمَّها لو تحلَّمت

الله يكفينا شر الصعاليك يابو ريما
والصعاليك ما يبي لهم طيبه

يبي لهم و ط ي



تقبل مروري

أخي الغالي

والله قليل بحقهم الوطي


أخي الغالي

حضورك الرااااقي أنار متصفحي

و أضاف لي الكثير و الكثير



لك


ودي