عــــزي لــداراً غــاب عنــها قمــرها

(عــــزي لــداراً غــاب عنــها قمــرها)

يا دار وين اللي سكن فيك يادار = عزي لداراً غاب عنها قمرها
رجل الشهامه والكرم نسل الأحرار = محمد اللي محتكم في نحرها
لاقلت ابنخى الذيب ولع تقل نار = يقول يخس الذيب عندي خبرها
ياعمي لاتبكي ترى القلب منهار = عزي لعينن غارقه في نهرها
ولا تقول وقت اليوم خاين وغدار = اقدارنا تمشي وهذا قدرها
اصبر على الاقدار لو صار ماصار = هذي حياة العبد محداً عمرها
العيد الاول اصبح اليوم تذكار = ذكرى حزينه نرتوي من بحرها
قبله رجال من طويلين الاعمار = محداً بقى فيها من اللي عمرها
يالله ترحم من غدت فيه الاقدار = ومن جنة الفردوس يجني ثمرها
وصلاة ربي للنبي كثر الامطار = وعداد ماهلت علينا شهرها

شعر/ سعود عقيل بن مظهر

آميـــــن يآربــ ، آللهـ يجبرنآ ويجبركـ ، ،
أبدآع أخوي سعود من جد مؤثرهـ ، ،
جت ع آلجرح عيدنآ آلأول بعد آلغوآلي، ،
يجمعنآ بآلفردوس يآرب , ,
تقبل مــــروري . .

آميـــــن يآربــ ، آللهـ يجبرنآ ويجبركـ ، ،
أبدآع أخوي سعود من جد مؤثرهـ ، ،
جت ع آلجرح عيدنآ آلأول بعد آلغوآلي، ،
يجمعنآ بآلفردوس يآرب , ,
تقبل مــــروري . .

غيااابه حلم
ماتفقدون غااااااااالي أن شاء الله
والله يسمع منك اللهم أمين,,,
أسأل الله أن يلتئم جرحك وجرح كل من يتألم,,,
الأف شكر والله يجزاك الجنه,,,