من عبداللطيف الحمرآني لـ/ أسعـد السحيمي { أصبر لـدك الرآجمآت المرآزيم} ...!

بسم الله الرحمن الرحيم

هذه قصيدة مداعبة بيني وبين الشاعر والأخ العزيز / اسعد السحيمي

وهي رد على قصيدته { ارهاب قسم الشعر الشعبي}..!

سلام والدنيا حظوظ وتقاسيم=سلام ياصحآب النـفوس الزكيـه
سلام احلى من حليب المفاطيم=وأرق من غصن الورود النديه
يامحامي الي صابه الشك والضيم=يامحامي الي علته داخليه
الي غسل راسك وكلمك تكليم=قله ترى سكراب يرقب مجيه
حتى لوانه شحم القاف تشحيم=ساهر يبي يكشف خوافي خفيه
من بعدها ودي معـك أشعل القيم=أشواط من خبث النوايا خليه
طلال ميسم راس من فيه تنسيم=صعوط عثرات الزمان العتيه
قتديل مضوي باليال المجاهيم=زيزوم كفـه بالمكارم سخيـه
ومحمد الي رهم القاف ترهيم=رسام مبـدع لوحته نرجسيه
محمد اصفى من صفى ماطر الديم=قلبه بياض الشاش نفسه رضيه
وإلا أنت دامك جيت ضمن المعازيم=أفرش فراشك والسوالف مديه
الي حضر معزوم للكف تدسيم=والي حضر مرسول ماله هويه
ياستاذ شاب القاف يامنوة الريم=وأبعتبرها غلطتك مطبعيه
لبست نفسك ثوب مالـه أكآميم=عرضت نفسك فوهة المدفعيه
اصبر لدك الراجمات المرازيم=تمطر على راسك شضيه شضيه
حتى نحطم فـروة الراس تحطيم=والنار من فوقك سناها لضيه
وطبعآ ترانا عندنا ميسم وسيم=إن كان ودك بسفل الراس كيه
والا أنت سلم بيرق الخوف تسليم=وأسلم براسك لا تخاف الزريه
وهذي نصيحة والليالي تقاسيم=والا اعتبرها في حياتك وصيه
ان كآن ودك تشرب بكاس تسنيم=اسجد لربك بالضحى والعشيه
وسلم على الي شحم القاف تشحيم=قل له ترى سكراب يرقب مجيه

ـــــــــــــــــــــــــــــــــــــــــــــــ

أحررررررررررررررررررررررررررررررق
ابوك يالشغل

صح لسانك يابو ميعاد

أقسم بالله ونستونا

تحياتي للجميع


وهذي لأسعد
وارقا سنووود

جميلة المداعبة ياعبد اللطيف الحمراني

بس خوينا لا تقسي عليه والا

لك اجمل تقدير

صح لساااااااااااااااااانك ابو ميعاد

و تراني اثرت الفتنه و اتصلت على اسعد

ومن كثر ماهو متحمس حتى مع السلامه ماقالها كامله

قال مع السلا


هههههههههههههههههههه


الله يسعدكم خليتوا القسم يتحرك شوي

عبد اللطيف

آسعد

واكيد محمد القويعاني

ملحمه شعرية
بين ثلاثي
يعتبر مثلث
له مكانه خاصة
بالشعر
ابداع متواصل واكيد ان نستمتع
بالشعر

صح السانك ياشاعرنا

والمتعه بالقصيد تبقي هى الافضل

ونستنا الله يونسك بالايمان

جميلة المداعبة ياعبد اللطيف الحمراني

بس خوينا لا تقسي عليه والا

لك اجمل تقدير

يآهـلآ وحيآك الله / ابـو عمــر

الجمآل والأبـدآع يكمن في توآجـدك الكريم

وخويـكم دخل ميدآن الرمآيـة بآلخـطآ ولآزم

يتفـرج على الرآجمـآت عشآن يآخـذ خبرة

ولم نقسى عليـه ..!

وألآآ { ........} أكمل الفرآغ وإلآآآ..!

شآكر لك توآجـك العـطـر

بآقآت من { القنآبل الأخويـة } تسآق اليك ...!