مـا آبـي أتـزووج لاحـق عالـمـرمـطـة..^^

سبقوني البنات في الشرح
وكفو ووفو
بس انا من وجهة نظري باختصار
عزوف الشباب بسبب (المردود المادي)<<يعني يبيله شويت بحبحه وفلوس
وعزوف البنات اعتقد سبب واحد ماغيره((المسئوليه)) لانها تشوف فرق
عزوبيه يعني خاليه من مسئوليه بلا اهتمام
عزوبيه يعني حريه ..
تقبل وجهت نظري
دمت بخير

حيّااااك الله أخوي سلطان
زماااان عن موضوع جااااد للنقاش
وعقبال ما نبارك لك الزوجة الصالحة
(شوفني اكتب الدعوة وأذان الفجر يأذن)
اخوي للأسف الشديد عزوف شبابنا عن الزواج (شباب وبنات )
مايبون مسؤولية والشاب مايبي مسؤلية صرف ومسؤوليه تربية
أنا اقول خلك جنب ماما لحد ماتكبر وتتعلم المسؤولية
والبنت نفس الشئ ماتبغى شغل بيت و مسؤوليةوحسبالها الزواج زيارات وترفيه وسفريات
وأنا اقول اللي ماعنده استعداد للزواج يريح بنات الناس من العنا معه في الحياة وبالأخير تحمل لقب مطلقه مع الفوائد ( بزارين )
والبنات نفس الحكاية ماعندك تحمل مسؤوليه اقعدي في بيت ابوك معززه وتشرطي زي ماتبين
طبعاً ,, والله فيه الكثير من بنات الرجال تربية ماشاء الله
وفيه شباب دين وخلق
يعني الكلام ما يشمل الكل
أخوي سلطان الله يعطيك العافية على روعة الموضوع

تحيتي لكـ

آمين آمين آمين الله يسمع منك أحلى دعوه على آذان الفجر والله يحقق لك آمانيك يارب


طبعا لان ردك أعجبني فاتح الصفحة لشلة النقاش ومحور القضيه وأخليهم يقرون ردك الآن

طبعا إحتجاج منهم يقولون فضحتنا كأنكم بتعرفون عيال مين هههههه


كلامك واقعي ومنطقي جدا أختي خيالة

وتواجدك في متصفحي أسعدني كثيرا

والأروع مرورك وتعليقك الاكثر من رائع

إحترامي

مازيد على كلامها شي
والله يعطيك العافيه اخوي سلطان
الزواج موشي بسيط
يعني الطرفين لازم يكونون على استعداد
ومكونين انفسهم
وفهمين ايش الي لهم والي عليهم
ولا ماكان تشكو اخونا الي فوق :d

اللي فوق متشكين متشكين ماعليك منهم <<بينجلد جالسين جنبه :d

وفعلا الزواج مسؤولية كبيرة تحتاج إلى نضوج عقلي وفكري لكي يسير بنجاح

شاكر تواجدك العطر في متصفحي

إحترامي

هلا وغلا بالغااااااااالي

شوف ياسلطاااان الأيام هذي زي منت شايف كثرة بنات وقلة شباب وقلة وظائف وغلا اسعار
والماده وانا اخوك لها دور في بناء بيوت زوجيه سعيده ,,,,

ليس هناك عزوف عن الزواج ولا شي بس هي مسألة وقت ,,,

بالله قلي كيف تبي شاب يتزوج بألف وخمسمائة ريال او الفين او ثلاثه الآف هذا اذا وجد وظيفه

قل لي كيف يبي يعمر بيت ؟؟؟

اجار الف وخمسمائه وفواتير وطلبات ظروريه للزوجه وغيره وغيره ,,,

اغلب الشباب عندنا
يعاني الأمرين ,,, والمتوظف فيهم اكثرهم راتبه لا يتجاوز ثلاثة الاف ريال ,,,,

عندنا العسكريه والتدريس هي المصدر اللي تقول فيهن خير وماكل عسكري راتبه زين ويافي بالغرض,,,

ويقولون وش اسباب ارتفاع الجرائم والسرقات والمخدرات والبعد عن الزواج ,,,

طيب اذا كان نصف شبابنا غير موظف والنصف الأخر يادوب راتبه يوكله لقمة عيش
بالله ماتتوقع بعد عن الزواج وكثرة الجرائم ؟؟؟؟

عالعموم الكلام في هذا يطول ويمكن اني طلعت عن الموضوع شوي بس والله من قهري من اللي اشوفه
في وجيه الشباب اللي جالس يلف من دايره لدايره يدور وظيفه لجل يستر نفسه واللي وراه من شيبان ,,,

لو تفكرون ياخواني شوي تلقون سبب قلة الزواج مثل ماقلت لكم ولا احد يلوم الشاب لأن اللوم يقع على غيرهم ,,

اما من يقول ان الزواج مرمطه وفكك منه فهذا غير صحيح والرجل المفروض يواجه المصاعب ولا يهرب منها,

[blink]
واللي يبي العسل يتحمل لدغات النحل
[/blink]

رد شافي ووافي من شخص بحجم أبو محمد لافض فوك

لاأزيد على كلامك إلا كتبت وأجدت

وفعلا اللي يبي العسل يتحمل لدغ النحل <<بس ياترى بتكون نحلة اللي بالمستقبل

شاكر مرورك اللذي أسعدني كثيرا

إحترامي

انا بختصرها سبب عزوف الشباب عن الزواج البطالة والفقر من وجهة نظري

أتفق معك كثيرا

ألف شكر لتواجدك العطر

إحترامي

الله يرزقك الزوجه الصالحه وانت تقنعهم بعدين بالزواج ...........


اتفق مع لاخوان ولاخوات اكيد المااااااال له دور كبير بل هو الدافع لاساسي لزواج ...

يااخي الكثير يتزوج ميسور الحال وربنا يرزقه ويغنيه حتى لاطفال رزقهم معهم ...




بس اللي ملاحظ عندكم يالرجال
الواحد فالزوجه لاولى يفكر في غلا المهر والتكاليف
والزواج الثاني يغاااااااامر ولو معه عيله وعلى دين وفقر ....

ماحد يعرف لكم بصراحه ....




الله يرزقك ويرزقهم


طرح راااائع مشكووووووووور