مـا آبـي أتـزووج لاحـق عالـمـرمـطـة..^^

( ماأبي أتزوج لاحق عالمرمطة )



كلمة يرددها كثير من الشباب وحبيت أعرف سر هالجملة من أصدقائي المقربين مني

والعازفين عن الزواج فكانت ردودهم متفاوتة :

1-الزواج مسؤولية ومرمطة وقرف (حسين)

2-ياعمي يبغالي أطلع مية قرض ولا يكفي (بدر)

3-والله ياسلطان أنصحك تتزوج وتعرف سر كلامي ( راكان)<<شي طبيعي متزوج قريب

4-تبيني أتزوج وحده تقول متزوج أخوي صاحي أنت وهي وأمها يتشرطون قسم لو لميس(فهد)

5-يارجال دامك عزوبي فلها لاتتورط مثلي حليب حفايض وورع تعبان ( علي )<عنده ثلاث أطفال

6-أنا بغامر وأفكر أخطب إصبروا علي شهرين كلمة يرددها كاتب الموضوع من سنين <مو آنا


طبعا هذي كانت ردود اخوياي مانقصت ولا زادت وحسيت إنها أسباب مبالغ فيها

وإن المهر ماصار مثل أول الكثير من الناس يبون الستر ويشترون رجال صالح يخاف الله

وحبيت أعرف أسباب أكثر عن عزوف الشباب عن الزواج ..؟

سؤال خاص للأخوات زيادة على النقاش (هل ترضين بالمهر اليسيرأم أن هناك شروط )..؟؟

حبيت آخذ آرائكم بشكل موسع عن هالموضوع وكعادتي متصفحي مساحة حرة للنقاش

إحترامي ومحبتي لكم

دمتم كما تحبون

حيّااااك الله أخوي سلطان
زماااان عن موضوع جااااد للنقاش
وعقبال ما نبارك لك الزوجة الصالحة
(شوفني اكتب الدعوة وأذان الفجر يأذن)
اخوي للأسف الشديد عزوف شبابنا عن الزواج (شباب وبنات )
مايبون مسؤولية والشاب مايبي مسؤلية صرف ومسؤوليه تربية
أنا اقول خلك جنب ماما لحد ماتكبر وتتعلم المسؤولية
والبنت نفس الشئ ماتبغى شغل بيت و مسؤوليةوحسبالها الزواج زيارات وترفيه وسفريات
وأنا اقول اللي ماعنده استعداد للزواج يريح بنات الناس من العنا معه في الحياة وبالأخير تحمل لقب مطلقه مع الفوائد ( بزارين )
والبنات نفس الحكاية ماعندك تحمل مسؤوليه اقعدي في بيت ابوك معززه وتشرطي زي ماتبين
طبعاً ,, والله فيه الكثير من بنات الرجال تربية ماشاء الله
وفيه شباب دين وخلق
يعني الكلام ما يشمل الكل
أخوي سلطان الله يعطيك العافية على روعة الموضوع

تحيتي لكـ

حيّااااك الله أخوي سلطان

زماااان عن موضوع جااااد للنقاش
وعقبال ما نبارك لك الزوجة الصالحة
(شوفني اكتب الدعوة وأذان الفجر يأذن)
اخوي للأسف الشديد عزوف شبابنا عن الزواج (شباب وبنات )
مايبون مسؤولية والشاب مايبي مسؤلية صرف ومسؤوليه تربية
أنا اقول خلك جنب ماما لحد ماتكبر وتتعلم المسؤولية
والبنت نفس الشئ ماتبغى شغل بيت و مسؤوليةوحسبالها الزواج زيارات وترفيه وسفريات
وأنا اقول اللي ماعنده استعداد للزواج يريح بنات الناس من العنا معه في الحياة وبالأخير تحمل لقب مطلقه مع الفوائد ( بزارين )
والبنات نفس الحكاية ماعندك تحمل مسؤوليه اقعدي في بيت ابوك معززه وتشرطي زي ماتبين
طبعاً ,, والله فيه الكثير من بنات الرجال تربية ماشاء الله
وفيه شباب دين وخلق
يعني الكلام ما يشمل الكل
أخوي سلطان الله يعطيك العافية على روعة الموضوع

تحيتي لكـ

مازيد على كلامها شي
والله يعطيك العافيه اخوي سلطان
الزواج موشي بسيط
يعني الطرفين لازم يكونون على استعداد
ومكونين انفسهم
وفهمين ايش الي لهم والي عليهم
ولا ماكان تشكو اخونا الي فوق :d

هلا وغلا بالغااااااااالي

شوف ياسلطاااان الأيام هذي زي منت شايف كثرة بنات وقلة شباب وقلة وظائف وغلا اسعار
والماده وانا اخوك لها دور في بناء بيوت زوجيه سعيده ,,,,

ليس هناك عزوف عن الزواج ولا شي بس هي مسألة وقت ,,,

بالله قلي كيف تبي شاب يتزوج بألف وخمسمائة ريال او الفين او ثلاثه الآف هذا اذا وجد وظيفه

قل لي كيف يبي يعمر بيت ؟؟؟

اجار الف وخمسمائه وفواتير وطلبات ظروريه للزوجه وغيره وغيره ,,,

اغلب الشباب عندنا
يعاني الأمرين ,,, والمتوظف فيهم اكثرهم راتبه لا يتجاوز ثلاثة الاف ريال ,,,,

عندنا العسكريه والتدريس هي المصدر اللي تقول فيهن خير وماكل عسكري راتبه زين ويافي بالغرض,,,

ويقولون وش اسباب ارتفاع الجرائم والسرقات والمخدرات والبعد عن الزواج ,,,

طيب اذا كان نصف شبابنا غير موظف والنصف الأخر يادوب راتبه يوكله لقمة عيش
بالله ماتتوقع بعد عن الزواج وكثرة الجرائم ؟؟؟؟

عالعموم الكلام في هذا يطول ويمكن اني طلعت عن الموضوع شوي بس والله من قهري من اللي اشوفه
في وجيه الشباب اللي جالس يلف من دايره لدايره يدور وظيفه لجل يستر نفسه واللي وراه من شيبان ,,,

لو تفكرون ياخواني شوي تلقون سبب قلة الزواج مثل ماقلت لكم ولا احد يلوم الشاب لأن اللوم يقع على غيرهم ,,

اما من يقول ان الزواج مرمطه وفكك منه فهذا غير صحيح والرجل المفروض يواجه المصاعب ولا يهرب منها,

[blink]
واللي يبي العسل يتحمل لدغات النحل
[/blink]

انا بختصرها سبب عزوف الشباب عن الزواج البطالة والفقر من وجهة نظري

هذه العباره تتردد بين العزوبيه

لفهمهم القاصر عن الحياه الزوجيه و يرددونها بدون علم


الزواج هو الإستقرار الحقيقي لشاب و الشابه