أكتب أغرب وأجمل المواقف ...!!!!

ههههه بتول حمد الله على السلامه

مواقفي كثيره
لي احدى زميلاتي والدها هداه الله
متلسط بقوه وماعنده تفاهم الابالضرب
وزميلتي دخلت قسم الانقليزي غصباعنها بناء على رغبة ابوها
والبنت مقطعه حالها بالمذاكره خوفا من غضب ابوها
المهم فالاختبارات طلعت من قسمي وانا ماشيه شفت البنت تنوح
لما هديناها شوي فهمت منها انها جايه متئخره
والدكتوره رفضت تدخلها
وقالت مارح تختبري
واعتبري نفسك غياب
وتبكي تقول مااعرف احد يدبر تقرير
وتصيح لانهامن المؤكد راح تاخذ حرمان
يعني بتعيد السنه
المهم مادري شلون قلتها قلت لها
انا اجيب لك التقرير؟؟؟
المهم روحت البيت
ودقيت على سنترال المستشفى العسكري
واتركم مع ذا الحوار
السنترال ؛ الو
انا ؛ لو سمحت حولني على القسم الي يعطون به تقارير طبيه
السنترال ؛ ثواني لوسمحتي
ترررراررراتررررارررر>>نغمه التحويله
الموضف: الووو
انا : الو
الموظف :ايوه كيف اخدمك
انا : لو سمحت اخوي ابي تقرير
الموظف: موفاهم لك تقرير هنا يعني
انا : لاابي تقرير لصديقتي
الدكتوره رفضت تدخلها القسم الابتقرير
الموظف :خلي الفزعه عنك طوط طوط طوط>>صك السماعه بوجهي
لاكن الموقف الي كل ماتذكرته اضحك
واحد من اخواني يموت بشي اسمه قنص
وسلقان
وكان كل اربعاء يجيب سلق
ويحطه بالحوش
عشان الفجر يروح مع زملائه
المهم انا كنت اجي واتفرعن على السلق يازعم قويه>>لاني متاكده
انه مربوط
والسلق ماحيلته الاانه يقعد ينابح
ومره من المراريت جيت وتفرعنت عليه
اثاريه مو مربوط زين
وماتشوفون الاغباري والسلق وراي
قعدت اصارخ طلعت من حوش الحريم ودخلت من باب الرجال
مااذكر ايش الي صار بس الي اذكره حذيان اخواني
تطاير قدامي
دخلت عند امي وورى ظهر ابوي تحديدا
ومن بعدها توبت اتفرعن على اي سلق حتى لو رابطينه بحديد