رثائيه عيد بن قيضي الوابصي ومواساه الشاعر/ محمد البياضي له .

رثائيه الشاعر/ عيد بن قيضي الوابصي :

على الله

على الله يفرج الهم المحيـر
= ويجبر في خواطرنا كسور

ويسترنا بـ هالعمر القصير
= ويكفينا عنى دنيا الغرور

ودادي من على الدنيا تغير
= من الاحياء لاصحاب القبور

وقلبي من هوى الدنيا تذير
= لإني عابرا فيها عبور

علينا هادم اللذات سير
= وابكـانا ونسانا السرور

اخذ منا الكبير مع الصغير
= ولاوفـر من الاطفال حووور

الا ليت القدر عنهم تحير
= ولاهو لاعتراض ولا فجور

هذه مواساة الشاعر/ محمد البياضي له :

قـدر يـاعـيـد والـمـسلم مسيّر
____________بـهـذا الامـر وبـكــل الامــور
وحـنـا مـعـك لـو فـيـهـا تخيّر
____________بما نملك وبـحـسـاس وشعور
نـقـوم بـظـرفـك وعنك ونجيّر
____________حـمـل ونـوزعـه فوق الظهور
نـشـاطـرك المصيبه ما انتطيّر
____________نـخـفـف صـدمـة ٍتـبـقى دهور
مـعـك ومـع الاقارب والقصيّر
____________اثـرهـا كـي في جوف الصدور
لــهــا ومـنـهـا يـتـاثر كل خيّر
____________فجيعه تضـعـف القلب الجسور
تـهـد الـحـيـل والـفـكـر يـتحيّر
____________اصابه لحـقـت غياب وحضور
ويـامـا صـار بـمر الله وصيّر
____________قـبـل والـيـوم ولـيـوم الـنشور
ولا قصرت على حمود وبشيّر
____________اجـل يـطـرح من الجو الطـيور
بـوقـتـه في صفر ولا القـصيّر
____________وعـمـره بـالـسنين وبالشهور
مـنـيـه واقـــف ٍوالاّ مـــغـــيـّر
____________تـجـي والـصبر طيب يالصبور
وانـا اخـوك و مـعك والدرب نيّر
____________عـلـيـهـم رحـمة الرب الغـفور

رحم الله الأموات واسكنهم فسيح جناته

وعسى يجبر عزاء اخوي عيد وجميع اخوانه واهله

وبيض الله وجهك يالبياضي على كلماتك المعبرة

صح لسانك يالبياضي

واحسن الله عزاء ابو كرم والهمهم الصبر والسلوان

ر

حم الله الأموات واسكنهم فسيح جناته

وعسى يجبر عزاء اخوي عيد وجميع اخوانه واهله

وبيض الله وجهك يالبياضي على كلماتك المعبرة و لاهي غريبه علي ابو بجاد بالافراح وبغيرة

كلمات معبره الله يرحمه ويرحم موتانا وموتى المسلمين

صـــح لسان الشاعر محمد البياضي على القصيدة
رحم الله سعيد بن قيضي وزوجته وأبنائه
والله يجبر مصابكم يعيال قيضي