حياكم الله العطله عندنا

بسم الله الرحمن الرحيم

،،،،

تذكرون زمان اول كانت ما تجي العطله الا والناس
سافروا لديارهم وعند اقاربهم

وتحصل العائله والعائلتين والثلاث تتجمع ببيت واحد
والعطله ولا أحلى
وطلعات وقيلات وحدائق وملاهي مع بعض

وكل سنه بمدينه مثلا هذي السنه بتبوك اللي بعدها بالوجه
اللي بعدها بالمدينه وكل على حسب جماعته

نقطة الحوار
الآن تجد الضيوف من اقاربك يجون ديرتك ولا يسكنون عندك مثل أول
يستأجرون شقه مفروشه ويطلون على بعض طلات

والوناسه قلت شوي
طبعاً كلامي هذا ماهو على كل الناس لا يزال ناس متمسكين
بعوايدهم مثل زمان

- انت لا سرت ضيف تسكن ببيت اخوك او اختك ولا تاخذ شقه
- ايهما اريح لك
- ايهما اونس لك
- مالفرق بين الاثنين
- ام هي على حسب المعازيب

لا اريد ان أقيد الحوار بالاسئله انتظر تعليقاتكم وآرائكم
حول الموضوع

هلا وغلا / بمشرفنا الغالي
شديد والهوى ضدك

الآن تجد الضيوف من اقاربك يجون ديرتك ولا يسكنون عندك مثل أول
يستأجرون شقه مفروشه ويطلون على بعض طلات

والله هذا التصرف الزين يابو حمد

آذي هالمسكين وخاصة إذا عندة حرمهـ قشرى
تعايرهـ طول السنهـ عيال أخوك وبنات أخوك كسروا وفعلوا
أريح راسي وأريح أخوي أو اختي وآخذ شقة { بنسايم الليل }

وإذا نبغى نتمشى اتصل عليه ونفلها حنا والبزورهـ والحريم
بالحدايق أو الطعوس

موضوع رايق مع بداية العطلة

دمتم بحفظ الله

موضوع جميل من شخص جميل

وقتنا الحالي لا يسمح لنا بأن نتجمع لأن السبب هو أننا كنا نحن الأطفال في

ذاك الوقت أما الآن عيال أخوي أتوذى منهم بسبب تربية الجيل الجديد لأبنائهم

ما عندك أحد . يا زين تربية شيابنا الله يطول في أعمارهم تجلس في المناسبة زي

الألف ما تتحرك لكن الحين يخلف الله . علشان كذا ما يستطيع أغلب الشباب أن

يسكن في بيوت أخوانه واتمنى اعتراف صريح من الشباب المخلفين تربيتهم ولا

تربية شيابهم هي الأحسن.

وبالنسبة لسؤالك :

بالنسبة لي سأسكن عندي أخي لأنه الأحق في ذلك وهو على وصفه أخي

أما أختي لا نقول أختي وإنما نقول بيت نسيبي فهذا أوجه فمن هذا المنطلق

يصعب أن أسكن في بيته وأن ارتاح في داره بالرغم من ترحيبه فيني لكن

نفسي لا تتقبلها .وهذا الشئ في أصعب الحالات.

أما بالنسبة للسكن في شقة فهذا ما سأفعله لأنه لا راحت للشخص سوى في

بيته أو بيت أبيه .

وأخيراً اشكر موضوعك الجميل والآن أرد سؤالك عليك يا أبا حمد أنت ماذا ستفعل.

مع التحيه لخالى ابو حمد

الله يعيد لنا ايام زمان روحت يابو حمد ماهي راجعه الايام الحلوه ..

لو كنت ضيف بدون تردد على القرابه سواء اخوي او اختي او غير ذلك بس بعد مراجعة الظروف يعني مثلا لك اخو على قد حاله يمد رجوله على قد لحافه ماتبي تصير ثقيل هنا مربط الفرس ظروف المعازيب الاقارب هل تسمح لك بالمكوث عندهم؟ اذا سمحت الظروف كان بها وهي الاحلى والا جمل والاونس (قلبت صدى الملاعب )<<<:d واذا لم تسمح الله يعينا على الشقق المفروشه ..

وفي ملاحظه يابو حمد اول كان الناس متصافين سواء ذكور ام اناث الا قلة منهم لكن الان يابو حمد كااااااااااااش اذا كانوا الحريم متصافين والله تلقى الرجال متصافين اما غير ذلك فيصير غير ذلك ...

نـــــــــــــــبــــــــــــــــــــض الـــــــــــــــــــــــــــــــــمـــــــنــــــ ـتـــــــــــــــــــــــــــدى

اسعد الله ايامك وجعل قلمك دائما مليء بالابداع والتميز والرقي الى مالا نهايه ...

وفقك الله ...

ههههههههههههههههه
ياقربك من الصحيح


شكرا لمرورك يالغالي

الوقت الحالي غييييييييير ..
أخي بارك الله فيك الموضوع يتشعب لشعبتين
أولاً : غلاء المعيشة مع الدخل المحدود - هنا تجبر الآخرين على محاولة التخفيف على الأقرباء وعدم تكلفتهم فوق طاقتهم .. وبزود إذا كان رب أسرة ومتزوج من إمرأتين أو ثلاث والأطفال دسته أو دستتين " الله يحفظهم "
فهنا وين المكان اللي بيشيلهم والبيوت الحين مو مثل أول كبيرة وله ملحقاته كالفناء أو غيره . الحين شقة " غرفتين وصالة ومجلس "
ثانياً : الأنفس تغيرت أخي الكريم – الواحد مايتحمل الثاني .
والطامة الكبرى إذا كان الحرمه ما تبي تسكن عند بيت حماتها أوسلايفها ولها شرووووووووط
استأجر لي شقة مفروشه باالحي الفلاني .
الأونس بالجمعه أكيد بس الأريح تحشر بزارينك بشقة وخاااصة إذا كان أذاهم مو بسهل
و عادي لو تجبر خاطر أخوك بزيارة لو ليلة واحده
وماأحد كسبان بالأخير غير أصحاب الشقق المفروشه
وإجازة سعيدة ودائمه بالأفراح للجميع
تقبلوا مروووري ورأيي

معناه ان الامور ماهي مثل أول


واللي يخلي الحرمه تتشرط عليه الله يعينه


شكرا لأضافتك وفقك الله

الله يسلمك انا (طبعاً اذا تزوجت ) اذا صرت ضيف وكان بيت اخوي او اختي مناسب لسكنا معهم بدون ان نتزاحمهم

راح اسكن عندهم والفلوس الى بستاجر فيها شقه اقلبها مقاضي لبيتهم سواء دخلهم زين او متوسط .

واذا اليت البيت يادوب يشيلهم بارك الله بمن زار وخفف .

ان شاء الله تتزوج ونفرح فيك عن قريب ابو خلف

وبالفعل اذا كان البيت يسمح وضعه اقلب المصاريف مقاضي

يا عيني على الناس الذوق

الله يسعد مســـاكـ اخوي حـامد ويعطيكـ العــــاافيه على المواضيع التي تطرحها ومثل ماقالوا الاخوان النفوس تغيرت والظروف الماديه بعدلها دور كبيرالفلوس الحين مابها بركه يعني الواحد إذا بيجيه احد من قرايبه ويجلس عنده بيحسب الف حساب للميزانيه كل شي الحين غالي والبيوت بعد ماتشجع صارت اغلب الناس تروح للأستراحات اونس واشرح وابتعادآعن مشاكل البزارين الله يصلحهم مع ان الامر لايخلوا من المشاكل حتى بالاستراحات ...وللأسف مافيه مقارنه بين ايام زمان والحين ..! تقبل احترامي قبل مروري....

شكرا لأضافتك

وأتفق معك في ما ذكرت


طابت أوقاتك