الحلم الوردي

استاذي زيدان البلوي

بذاك المساء أجتمعنا من أجل ( الشعر ) ولكن عندما أسمعتني هذه الرائعه
ما تتخيل مدى اعجابي بها و أكتفت ذائقتي بما أسمعتني رغم زحمة المكان

وهنا


قرأتها أكثر من مره ..


وحتماً ستبقى بالذاكره


زيدان


شكراً لكــ

السلام عليكم ورحمة الله وبركاته اعتذر لكم عن الغياب واقدم لكم هذه القصيدة وهي قديمة ولكنها لم تنشر واسمعتها الشاعر العذب عايد السميري صاحب المجهود الممييز والاهتمام الكبير في شعار قبيلة بلي وتحفيزهم على الابداع واصر على نشرها وامل ان تحوز على رضاكم

على جال الشعيب اللي يحده من شمال هضاب"=" وقفت ولاعرفت الا ثلاث رسوم في عيني
وقفت بماقف الذكرى وللذكرى فتحت ابواب"=" توديني ترجعني ترجعني توديني
حسبت حساب لغيابي وضاع حساب وسط حساب"=" وانا احسب غيبتي مدة قصيرة حول عاميني
تركت الواقع الحاضر وللماضي فتحت كتاب"=" اقلب بين صفحاته وادور بالعناويني
رحل بي حلمي الوردي بعيد وعادوا الغياب"=" من اعماق الليال الموغلات بماضي سنيني
بلج وجه المكان بضحكته والتموا الاحباب"=" والاياعين ياليلي والاياليل ياعيني
تجعنا تجمعنا وجر الصوت يازرياب"=" يجاوبك الحمام الراعبي عذب التلاحيني
تجمعنا وسولفنا سوالفنا عشم وعتاب"=" والا ياحلو ياحلو العتب بين المضانيني
سلام الله على اللؤلؤ سلام الله على العناب "="سلام الله على ورود الحدائق والبساتين
سلام الله على ريش النعام ينوش ريش غراب "="سلام الله على غصون السفرجل والرياحيني
سلام الله على ثلج الخدود وجمره الجذاب"=" وشوف الجمر يكويني وشوف الثلج يشفيني
سلام الله على ضحكة حلاها بالحشا ينساب"=" صداها بالاذان وحلوها وسط الشراييني
سلام الله على عطر النسايم خالط الاطياب"=" عطور المسك والعنبر على دهن السلاطيني
خدعني حلمي الوردي خدعني حلمي الكذاب"=" وهذي عادته دايم يضحكني ويبكيني
رحل حلمي بدون مقدمات وكل شئٍ ذاب"=" والى ان الليل ممسيني والى ان الهم طاويني
ناديت وصوتي العالي سرى بالوادي الضبضاب"=" سكت ولا سمعت الاصدى صوتي يناديني
تعلل بالامل واللي على وجه التراب تراب"=" وهذي سنة الخالق بخلقه والقوانيني
تنقض جرحي المبطي تنقض واحسب انه طاب"=" نسيته واحسب انه يوم طال الوقت ناسيني
بامان الله ياجال الشعيب وروضة الاجناب"=" بامان الله يارسوم المحبة والمحبيني

صح لسانك أبو علي
وباقة ورد لعايد السميري

طابت أوقاتك

ناديت وصوتي العالي سـرى بالـوادي الضبضـاب///سـكـت ولا سمـعـت الاصــدى صـوتــي ينـاديـنـي




صح لسانك وقلبك شاعرنا الكبير زيدان الهرفي
جميل محاورتك مع خيال الشعر

ســلام الله عـلـى اللـؤلـؤ ســلام الله عـلـى الـعـنـاب "="ســــــلام الله عـــلــــى ورود الــحــدائـــق والـبـسـاتــيــن
سلام الله علـى ريـش النعـام ينـوش ريـش غـراب "="ســـلام الله عـلــى غـصــون السـفـرجـل والريـاحـيـنـي
ســـلام الله عــلــى ثــلــج الــخــدود وجــمــره الــجــذاب"=" وشــوف الجـمـر يكويـنـي وشــوف الثـلـج يشفيـنـي
ســلام الله عـلـى ضـحـكـة حـلاهــا بالـحـشـا يـنـسـاب"=" صــداهـــا بــــــالاذان وحــلــوهــا وســــــط الـشـرايـيـنــي
ســـلام الله عـلــى عـطــر النـسـايـم خـالــط الاطــيــاب"=" عـطـور المـسـك والعنـبـر عـلـى دهــن السلاطـيـنـي

الله الله


أستاذنا القدير

الشاعر زيدان البلوي


صح لسانك


نعجز و نعجز و نعجز على أن نجد مايليق بهذه الراااااااائعة من كلمات


سنلزم الصمت فربما الصمت ابلغ



أخي الغالي


تكفى لاتبطي علينا فنحن نتشوق دوماً لحرفك




ودي

ماشاء الله تبارك الله ....!

ابو علي في بآديء الأمر / صـح لسآنك مليون ولا يكفون ..!

ثآنيـآ / وبـدون مجآملة والله والله والله من أروع مآقرأت لك شخصيـآ

ولشعار كثـر قصآئدك جميعها في قمة الرقي والجمآل ولست انا من أقيمها

ولكن في هذه القصيـدة كآن الجمآل أكثر وأكثر وأكثر حد الأشبآع ولا نصل اليه ..!

لا أقول سوى أنك غـبت ولكن غيآبك غـير .. وها أنت حضرت وحضورك غير ..!

يعطيه العافيه اخونا / عايـد السميري الذي دفعك لأن تمتعنا بهذه العروسه ..!

تقبل تواضع تواجدي وقبل ذلك تقبل حفظ القصيدة في المفضله ..!


أكآليل من السفرجل والريآحين لشخصك الكريم ..!

عندما يحضر امير الكلمة فلابد للابداع والبهجة من حضور
كلمات يفوح منها العبير وشهادة اعتز وافتخر بها

صح لسانك اخوي الشاعر .. زيدان ..

سلمت وسلم بوحك

نص رائع جدا اهنيك على هذه الشاعرية

لك ودي .. واعجابي

شكرا لك من الاعماق
شهادة من شاعر قدير اعتز بها
دمت بكل خير