طفلك ذو العامين غاضب لسبب ما ؟

الله يعطيك الف عافية اخوي يلسر موضوعك مهم وجميل
الاطفال يجب تربيتهم على حسب العمر
كثير من الناس ضيعو ابآئهم لعدم تربيتهم بالشريعة الاسلامية
وانما ربوهم باهمال من الاب والام

الله يعافيك أخوي صقر
نعم يجب تربية الأطفال نبداء من حسب العمر للطفل
ولكن الأباء والأمهات فيهم الخير إن شاء الله
ويطلعون الأطفال بأذن الله للأفضل
تحياتي لك

سوف تصبح باذن الله في المستقبل رب بيت ناجح

هلا تاج راسي
إن شاء الله وانتي تصبحي بعد ربت بيت ناجحه
تحياتي لكي

هذي المواضيع ما هي اللي ابلشتنا فيها قبل فتره

ههههههههههههه

تحياتي ابن عمو ولي رجعه لاحقا

وفقك الله

حياك أبو حمد
والمواضيع هذي الي نتحدث عنها
أبشرك غيرنا المنهج الدراسي هههههههههههه
تحياتي لك

فيه طفل يقذف بالحذاء ‘‘ أكرمكم الله ‘‘ وفيه طفل يسحب شماغ هذا وعقال هذا , وفيه طفل ‘ يقلط ‘على الصحن قبل الرجال وفيه طفل يسب هذا ويحرج هذا , وفيه طفل توصل فيه المواصيل انه يضرب ابوه !!

عينات من تصرفات اطفال شفتها شوف العين ما احد قال لي عنهم , والأب ما تفرق بينه وبين دلة القهوة جامد وساكت ويوزع ابتسامات يحسسك أنه مستانس بتصرفات ابنه ؟؟

ما ادري هالعينات من الآباء هم ما يعرفون شيء اسمه تربية ؟ او خايف من الطفل يقوم يمحطه بالكاسه على علباته !!

فيه طفل يقذف بالحذاء ‘‘ أكرمكم الله ‘‘ وفيه طفل يسحب شماغ هذا وعقال هذا , وفيه طفل ‘ يقلط ‘على الصحن قبل الرجال وفيه طفل يسب هذا ويحرج هذا , وفيه طفل توصل فيه المواصيل انه يضرب ابوه !!

عينات من تصرفات اطفال شفتها شوف العين ما احد قال لي عنهم , والأب ما تفرق بينه وبين دلة القهوة جامد وساكت ويوزع ابتسامات يحسسك أنه مستانس بتصرفات ابنه ؟؟

ما ادري هالعينات من الآباء هم ما يعرفون شيء اسمه تربية ؟ او خايف من الطفل يقوم يمحطه بالكاسه على علباته !!

حياك أخي مرزوق
فعلاً جميع ماذكرت أكيد الأغلب شاف هذه الحركات
من الأطفال الله يهديهم
ممكن الأب من زود الدلع يخاف على فلذة كبده !

حياك أخي مرزوق

فعلاً جميع ماذكرت أكيد الأغلب شاف هذه الحركات
من الأطفال الله يهديهم

ممكن الأب من زود الدلع يخاف على فلذة كبده !

عساها تحوم كبده .. هذا مب دلع .. هذا قل سنع
ولا اخفيك وانا اخوك , من ناحيتي اشوف ان الولد يبي له مثل ما نقول اهتمام اكثر من الدلع
نهتم قبل كل شيء بالتأسيس القوي لقيمه وتربيته كأنسان مسلم عربي سعودي له تقاليد وثقافة
ثم نهتم بالأمور الكمالية بعيد عن سالفة الدلع
لبس وترفيه ومن هالامور بحدود المعقول

شطحه خارج الموضوع :

معاك أخوك فواز
مرزوق الوالد الله يحفظه تو متغدي واخذ له ’ قيلولة ‘