مقتطفات

(الجــــنون فنــــــون)
...............


عــاش بالحي الفقــير
شــيخ ( مجنـــون وضــريــر)
مايشوف الدرب
لكنه بما حوله بصــير
كان يحكي عن عنــاه
وعن صبــاه
وعن تفاصيل الحياه
ويتكلم .. ويتكلم
والصحيح إن أغلب الجيران من حكيه .. تعلم
أذكر إني جيت له مره
وهو جالس على مركاز
قلت .. ابجلس عنده وأحكي معاه
كنت فاضي .. وكنت راضي بالفضاوه
قلت له ياعم
وش يعني لك الحب
قام يضحك ثم قــال:
ياوليدي
المحبه والغرام
والمعزه والهيام
كل أبوها بالزمن هذا ..كلاااااام
من يحبك ...
بالحقيقه .. مايحبك
لكن الوحده .. وظلم الوقت هي من تجعله يهواااااك
وإن لقا غيرك .. نسااااااك
من يحبك..
مايخونك لو تطير
من يحبك يفرح بشوفك
وإلامن رحت عنه ... يذكرك بالخير
من يحبك
يشعر بضيقك لو إنك كنت غايب
ويتمنى شوفتك.... لو كان مع لمة حبااايب
ياوليدي
روح دور لـك على
إنساااان واحد ..
مستعد يضحي بعمره لأجل عينك
وإن لقيته
إعتبر كل الكلام اللي ذكرته حكي فاااااضي
وانت فاااااضي
والدليل
إنك تسولف مع رجل ( مجنـــــون)