مقتطفات

إن كان يـدك يالحَـــبيب تحكـك
غيرك يدينــه من زمان تحكـــه
وإن كنت في حلم الوصال مشكك !!
قم سن سكيـــن الـــوداع.. وذكه
اللي يــــريد البــعد لا يتلكــك
لن القــــدر مامن وقوعه فكــه
الهجــــر له باب ٍ وسيـــع مفكك
والحب قصر ٍ والحنان ....بلكه
واللي ربا في ( قم )مهما شكك
ماهو بمثل اللي ربا في مكه

سـالم البلوي

الا يارفــيقـــي قــطـِّـــع اللـــيل عـنــــي وإحــك
تــراني حــزيــــن وْلا يغــــرك كـثــر ضــحكــــي
أعـــيش العــمـــر مابين فــلــة حجـــاج وضـــحـــك
وإذا حــان وقـت الجــد (شكــلــيــن مابـــحــكـي)

اثـــاري غــــــيابه في ســـنيــن الــــولع دلــع
وعدنــا الربــوع.. وْلا يــجـــــي غــــير بالجمعــه
ايا ضــحكــــــــة ٍ جــت بااارده مالــها ســـــنع
وأيا صرخــة ٍ مني وجــــت بعـــــدها دمــــــعه
الا ياهــــلي بــعـــــــده يــــزيد الــوجــع وجــع
خسرنــاه ( خِــــــل ) وْلا كسبنا سوى السمعه

(الجــــنون فنــــــون)
...............


عــاش بالحي الفقــير
شــيخ ( مجنـــون وضــريــر)
مايشوف الدرب
لكنه بما حوله بصــير
كان يحكي عن عنــاه
وعن صبــاه
وعن تفاصيل الحياه
ويتكلم .. ويتكلم
والصحيح إن أغلب الجيران من حكيه .. تعلم
أذكر إني جيت له مره
وهو جالس على مركاز
قلت .. ابجلس عنده وأحكي معاه
كنت فاضي .. وكنت راضي بالفضاوه
قلت له ياعم
وش يعني لك الحب
قام يضحك ثم قــال:
ياوليدي
المحبه والغرام
والمعزه والهيام
كل أبوها بالزمن هذا ..كلاااااام
من يحبك ...
بالحقيقه .. مايحبك
لكن الوحده .. وظلم الوقت هي من تجعله يهواااااك
وإن لقا غيرك .. نسااااااك
من يحبك..
مايخونك لو تطير
من يحبك يفرح بشوفك
وإلامن رحت عنه ... يذكرك بالخير
من يحبك
يشعر بضيقك لو إنك كنت غايب
ويتمنى شوفتك.... لو كان مع لمة حبااايب
ياوليدي
روح دور لـك على
إنساااان واحد ..
مستعد يضحي بعمره لأجل عينك
وإن لقيته
إعتبر كل الكلام اللي ذكرته حكي فاااااضي
وانت فاااااضي
والدليل
إنك تسولف مع رجل ( مجنـــــون)

ياصاحبي لا تقـــول إن الوفــا ماعـــــاد
إزبن خفـــوقي وخل السجــن للطايش
عشت بحـــياتك مثــل ماقال عمر دياب
يومه يغـــني ( انا عايش ومش عايش)

الشاعـــر اللي كــان دوم يتهقـــوا
بالناس طاح وْما نفـَعْه التهـــقــوي
لا شاف جرحه قال حيل الله اقوى
بعد الذبايح يرقــد اليــوم مقـــــوي
لو مابقلبه ياهـــل الحـــب تقـــوى
كان إنتحر قبل الشقا والتشقـوي