الحلتيته والعنزروت

ماشاء الله ، خبرات في كل شي
فيه محل بالسوق (أدويه شعبيه ) معروض للتقبيل وش رايك تشترينه
أرشحك طبيبه شعبيه مليئه بالثقافه والله تكسبين ملايين وأقترح أسم المحل
شروق الأمل للعلاج الشعبي

مرحبا وينك شروق كملي القصة انتظرك يالغلا البنت موهوبة لازم نفتح لها محل على قوله ابوطرفا ولا ليه الخساير غرفه بالبيت وتكفي هههههههه

برجع لكم اسوي صعووووط لواحد من اخواني الله يعينه على مابتلاه
(أما العلب تحفه يامشعل ) لي عوده
اللي مايحب الحلتيته وعاجبه الموضوع يتلطم ويكتب

جبت لك علبه صلصله تسوين فيها الصعوووط




ههههههههههههههههههههههههههااااى

جبت لك علبه صلصله تسوين فيها الصعوووط

ههههههههههههههههههههههههههااااى

سعود تعرف المقلاعه ّاللي زمان يسوونها ويصيدون فيها ابي اسوي علب الصلصه هدف وارميها,,

والله ياسعود مصديه بتذبح العالم ابو طرفا شرد وهج بعمره والا يبي آي باد اذا رضى نسويله صعوووط فيها للتجربه فقط

صباحكم جوري ,,,,,,نكمل قصتي مع الحلتيته ,,,احس اني اشمها في الكيبورد
طبعاً خويتي اخذت الحلتيته بعد ماوضحت لها كيف تستخدمها والكميه والمهم البنت حطتها لزوجها في علبه مويه وورجت فيها لين ذابت واعطتها زوجها وعلشان الريحه قالت: سكر خشمك لان ريحتها ماهي حلوه (شكله سكره لين فطس) المهم شرب شوي وتغصب عليه يالله وصل حلقه ويغص وهي تقوله اشرب زياده وجلس يشرب لين طلعت عيونه المهم ماوصل للمعده الا الرجال بدأ يرفس من الالم ودخلت دوره المياه وجلس يستفرغ( الله يكرمكم) ويصارخ عليها ويسب ويلعن البنت من الخريعه ظلت واقفه تقول ماعرفت وش اسوي حسيت اني قضيت عليه وراح يموت بسببي وعلى طول اتصال بواحد من اصحابه وجاه على البيت ونقله المستشفى ويعملوا له غسيل معده ,,,,,كان هذا على ماذكر الاثنين البنت غابت الثلاثاء والاربعاء استغربت اتصل ماترد قلقت عليها قلت يمكن صاير شي المهم مره ماترد مره تعطيني مشغول لين كتبت مره لا تتصلي قلت اوكي يمكن فيه مشكله واختكم بالله ناسيه موضوع الحلتيته
المهم داومت السبت اسلم ماترد اتكلم تدير وجهها والله شكيت بعمري
تخيلوا اسبوع كامل وهي ماهي خويتي اللي عارفها مره كانت الغرفه فاضيه ولقيتها لحالها سكرت الباب وقلت اشفيك يافلانه عسى خير صاير مني شي ضايقتك
تكلمي مارضت في البدايه تتكلم لين ضغطت عليها وانفجرت تقول زوجي محرم علي اكلمك علشان الحلتيته هنا أنا انفجرت ضحك هي تبكي وانا اضحك ,,, الله يااخذ الحلتيتيه واللي عملها زوجي بغى يموت وانت السبب ومن هنا الى هناك اهديها قلت لها احكي لي وش صار بالضبط
علمتني بالسالفه واكتشفت أن الاخت حطت كل الكميه اللي اعطيتها لها وبغت تقضي علي زوجها وهو عنده مشكله اصلاً في المعده
قالها بعد ماصالحها وفهم منها السالفه يويلك تكلمي صديقتك او تتصلي عليها واطلبي نقل من المدرسه ,,,,,وفعلا طلبت نقل بس موعلشان الحلتيته للاسف ولكن علشان ظروف اخرى الله يفرجها عليها وين ماكانت