البارحه وقعت في ماقع الطير

الشاعر/ محمد ابن طليحه الوابصي رحمه الله قال هذه القصيده عندما اصابت الناس مجاعه وفقر شديد مما دعا بعض الناس الى تزويج بناتهم من ازواج بعضهم ماله قيمه عند الرجال وقال هذه القصيده معبرا عن تاثره بذلك

البارحه وقعت في ماقع الطير=في مرقبي راس الطويله لحالي
بغيت اطير وماسكتني شناظير=ومن مابقلبي قمت اغني لحالي
واقلبي اللي كن ينفخ به الكير=من ماتشوف العين واسقم حالي
الكبد عطشانه على حاجر البير=وش يسقي العطشان غير الحبالي
الله من بيع البنات الغنادير=بيعن بليا اثمان والسوق غالي
بنات ربعن يحتمون الدواوير=زيزوب للي يبعدون المدالي
اليوم طقوهن بعوج البواكير=تغززوهن مثل غز الهمالي
بعنا ولا احنا هايبين المعايير=اعمن حنا مشتهين الريالي
يا مندر زيننا خذوه المناعير=اللي يحلون النسب والاهالي
اللي يحمسوا بنهم للمسايير=اهل الصخى زملا تشيل الرحالي
ابكي على اللي ياخذن الدناقير=اللي مجنب عن علوم الرجالي
قصير خطوه ما يخبر المصادير=يقصر لو انه عند زاعم شمالي

قاسم علي القويعاني
الله يعطيك العافيه على الجهد الكبير اللي تبذله يالغالي لجمع القصائد الخاصه ببلي
ما اقول الا انت موثق بحق وبجدارة ...


القصيدة تعبر عن نفسها

والله يكون بعون الغنادير على الدناقير

دمت مبدع مع فائق مودتي وتقديري
اخوك

الاستاذ قاسم
سدد الله خطاك هذا ما نستطيع قوله
استاذي القدير: تقبل اعجابي على حسن اختيارك ولك معزتي لشخصك وتقديري

اشكرك اخي ابو ناصر على سرعة تجاوبك في تنزيل قصيدة جدي محمد ابن طليحه

تحياتي
ناصر ابن طليحه

شاعرنا الكبير قاسم علي القويعاني

الله يعطيك العافيه

اول من المجاعه يسوون اي شي

الحمد لله اننا ماحضرنا ذلك الوقت .

ابوعلي
الله يصبحك بالخير
قصيده معبره في طياتها الكثير من المعاني من شاعر يصف معانات ديرته
لك الود ايه النقي
دمت ودام وجودك
عبدالله