* حـنا ( بلي ) عـــاداتنا .. ورث الولـــد مــــن طيب أبـيه

اعضاء / مشرفين / زوار /
هذا الصرح الشامخ
اهديكم هذه المتواضعه وهي ( مصافحه اولى وبطاقة تعارف )
عسى ان تنال رضاكم ...
_____________________

.=
تساوت البارح بعيني.. لين شـديت الرحــــال = قلت اقطع احـــــدود الخيال.. ورزق ابن آدم يجـيه
دام إن قانون الحياه.. العز في خـشم الريال=حـنا بلي عـــاداتنا .. ورث الولـــد مــــن طيب أبـيه
رصيدنا طيبٍ نسوقه.. سوق لقروم الرجال=ولا حــــسبنا حساب .. مليونير .. وريال .. وجنيه
نمسي تحت جنح الظلام ونصبح بروس الجبال=نضــوي على عــز وشرف .. نفلح اليا نام السفيه
ريوقنا زبد وتمر .. مع كيف في صفر الدلال =يوم ان كــيف أهل الترف .. حـــليب + نسكفيه
نشقي ونكدح كل يوم ..وناكل اللقـــمه حلال =وطــموحنا مــن يوم نصـــبح .. كل رجــمٍ يعتـليه
وعن حر شمس القايله ..ماندور أطراف الضلال =النـفــــس نردعــــها قبل .. لا تجــــرنا للي تـــبـيه
صحيح عشنا في كبد .. لكن عسى ذيك الليال=تبقــى مــعالمها عــلى .. وجــهاً معالــمها عليه
حتى الى مر العمر .. تصـــير درساً للعــيال=يلقون بصمات الفخر ..في وجه من قصرت إيديه
وصحيح دنيانا عجب .. يال العجب والحال حال =ولا عــاد ندري يحـــتوينا .. ظلـــمها او نحـتويه
مادامها استجهلت .. مــــبدا كــريمين الســبال =وتجرأت تلمس شنب .. باشا وكان البـيه بـيه
وشلون نامن غدرها .. والبرق في وسط الخيال=يلوح والمرعد قرب ..والسيل يجرف ماغشيه
=.

* عايد السميري