شيف الاسبوع رقم 5

البلاليط - الخبيص - الخنفروش

هذه آكلات ولا إيش يطلعوا بالضبظ :d

السلام عليكم

ويسعد صبااحكم بكل خير وفرح وسرور

صحيح انا بحرينيه ومحرقاويه بعد

تشرفت انا بكم اكثر وانتم تامروون امر

عيوني لكم ولا يهمكم رااح اذوقكم كل مالذ وطاااب شعبيه تراثيه :d كل اللي تبونه

عرووبه لاتخافين اكلنا كله داايت بدايت ههههههههه

الرواسي

ذلين مو اكلات فساتين ياقلبي
ههههههههههههه

طبعااا ياعمري اكلات ورااح افطركم بهم واعشيكم

وصحه وعافيه ع قلوبكم

يلا أم علي نحن بإنتظاررررررررررررك

حاضرين يالرواااسي

راح ابتدي بالفطور

طبعااا رااح يكون بلاليط وجبه خفيفه وحلووه وسهلة وماتخذ وقت بالطبخ

وهاذي الاكله اكثر شيء نسويها برمضان للسحور علشان تعطينا قوه وطاقه

المقادير
نصف علبة من الشعيرية(البلاليط)

كوب سكر او حسب الذوق

ربع كوب ماء ورد منقوع فيه زعفران ليصبح لونه اصفر فاقع

5ملاعق اكل دهن او زيت نباتي او زبدة

ماء مغلي

بيضتان مخفوقتان مضاف اليهما ملح وفلفل اسود مطحون حديثا ورشة هيل

الطريقة
1ـ يملئ قدر متوسط حتى نصفه بالماء ثم يغلى ثم تضاف الشعرية وتسلق نصف استواء ثم تصفى

2ـ يحمى الزيت في القدر وتضاف الشعرية وتقلب ثم يذوب السكر في قليل من الماء ويصب على الشعرية وثم يضاف الهيل ويقلب بتان ثم يغطى القدر ويترك حتى يمتص الماء

3ـ يضاف ماء الورد والزعفران ثم يقلب بتان ويغطى القدر ويترك على نار هادئة لبضع دقائق

4ـ اثناء ذلك يخفق البيض جيدا ويقلى على الجانبين في الزيت الحار على شكل اقراص

5ـ يسكب البلاليط في طبق التقديم ويغطى باقراص البيض

ملاحظة
كما يمكن قلي البلاليط في الزيت قبل سلقه ثم اضافة ما يكفي من الماء المغلي لتغطيته مذاب فيه السكر وثم تهداء النار ويقلب المزيج قليلا وثم يترك حتى يمتص الماء
ثم يضاف الهيل وماء الورد والزعفران وتتبع نفس الطريقة السابقة

عرفتي البلاليط ياروااسي

وصحه وعافيه

عرووبه عزيزتي

يعني سؤاال صغيروون

تبيني احط لكم يوميااا

فطور وغداء وعشااء

ولا ايش

او يوم فطور
ويوم
عشى

ترى الجو حار بالمطبخ تبيني احطهم مره وحده وافتك ههههههههههه

البلاليط طلعت شعيريه
هههههههههه

لازم تعقدوها شويه ما تقولوا شعريه وخلاص :d

أم علي نعرفها ونسويها بس بدون البيض

إحنا نسويهاااااا بطريقه مختلفه شويه

يعني اول شئ نحط الزبده على النار بعدين نحط الشعيريه ونحمصها لغايه مايصير لونها ذهبي

بعدين نحط المويه والسكر وهيل مطحون وسلامتك :d