عهد الطفــــــــــــوله

وكانت تقول اللي تريـده تقولـه
لكنها اصفى من بيـاض المرايـه

إذا أردنا أن نتحدث عن الشعر فـ أبو عاطف كما تفضل أخي عبداللطيف الحمراني
هرم من أهرامات الشعر وهامة من هاماته
هنا
ما يستحق منا
البكاء حد النحيب والنشيج حتى وإن كان ذلك
على اللبن المسكوب

سامحك الله من مبدع جزل ياعبدالكريم

أشكر كم جميعاً شرفتوني بمروركم
وعطرتم متصفحي فتقبلوا تقديري واحترامي
الاخ عبداللطيف الهلباني والاخ ابراهيم التلفيه
ماعليكم زود ولكم الشكر الجزيل على هذا الاطراء الجميل الذي ربما لااستحقه

اخي العزيز الشاعر عبدالكريم الصويدر

صح لسانك يابو عاطف اخذتنا مشوار لايام الطفوله وخذ هالبيتين

قدم طلب عساك تلقى قبوله = و اكتب لها من ذكريات البدايـــه
ون كان عندك للبضاعه سيوله= اسعى بحيلك وجعل الفوز غايه
اما تجينا في حــزام الطولــه = والا حكينـها عليكـم حكايـــــه

تحياتي لك يابو عاطف

كنت بنظرها تقـل شعبـا ودولـه
وكانت تمثل كـل شـئ بسمايـه

ابوعاطف / وحتى بنظري انا انت دوله بكبرها يالغلاااا


اطلال جديد بحرف لايمل من شاعر
لله درك يالمبدع

رائع ولاتكفي

باذخة يتوه الخيال فيها و ترسو المشاعر على نبض قوافيها

صح لسانك وعلا شانك

لاعدمنا حضورك باحساس الشاعر الذي عشقته القصائد


كن بخير

عهدي بها عهد الصبا والطفولـه=من قبل لاتلبـس عليهـا العبايـه
كنا سوى ناخذ على البيت جولـه=اللعب معاها يـوم تلعـب معايـه
كنا سوى في عنفـوان وفضولـه=والكل منـا لـه ميـول وهوايـه
نوب انتهاوش لكن هوشة سهوله=تسمح وانا اسمح من خلاي بخلايه
مهما اختلفنا فاالامـور محلولـه=ماتاصل الدعـوى لحـد النهايـه
لكنهـا كانـت شقيـه خجـولـه=رغم الشقاوه بس تمشـي ورايـه
وكانت تقول اللي تريـده تقولـه=لكنها اصفى من بيـاض المرايـه
كنت بنظرها تقـل شعبـا ودولـه=وكانت تمثل كـل شـئ بسمايـه
وكانت بيدي مثل صرف العمولـه=هي صبحي الشارق وبهجت مسايه
واليوم صارت من قبالـي جفولـه=والذكريات اللي مضت هي عزايـه

شاعرنا ومحبوبنا الغالي
عبدالكريم الصويدر
بديتاً ارحب بهذ الاطلاله الغاليه واللتي افتقدناك بها
لا اراك الله اي مكروه
صح لسانك مدد بلاعدد:
نشكرك على اتحافنا بهذه القصيده اللتي هي:
امتداد لابداع تشرفنا قرائته لقصائدك الجميله السابقه0
كعادت شاعرنا المبدع فيما نجد قصائده من موضوعيه
وله بصمه ولون جمال طرحه الخاص
بقصائد ماتحمل:
خصوصية الكبار اللذي ياتي شاعرنا بمقدمتهم0
دمت بهذا التالق ودامت مسراتك

صح لسانك
يعطيك العافيه وكل عام وانت بخير