عهد الطفــــــــــــوله

عهدي بها عهد الصبا والطفولـه=من قبل لاتلبـس عليهـا العبايـه
كنا سوى ناخذ على البيت جولـه=اللعب معاها يـوم تلعـب معايـه
كنا سوى في عنفـوان وفضولـه=والكل منـا لـه ميـول وهوايـه
نوب انتهاوش لكن هوشة سهوله=تسمح وانا اسمح من خلاي بخلايه
مهما اختلفنا فاالامـور محلولـه=ماتاصل الدعـوى لحـد النهايـه
لكنهـا كانـت شقيـه خجـولـه=رغم الشقاوه بس تمشـي ورايـه
وكانت تقول اللي تريـده تقولـه=لكنها اصفى من بيـاض المرايـه
كنت بنظرها تقـل شعبـا ودولـه=وكانت تمثل كـل شـئ بسمايـه
وكانت بيدي مثل صرف العمولـه=هي صبحي الشارق وبهجت مسايه
واليوم صارت من قبالـي جفولـه=والذكريات اللي مضت هي عزايـه

كلمات من عمق الطفولة الجميلة وذكرياتها

صح لسانك على عذوبة الكلام

الشاعر / عبدالكريم الصويدر

كنت بنظرها تقـل شعبـا ودولـه
وكانت تمثل كـل شـئ بسمايـه

صح السانك

نص جميل بجمال صاحبه

وعزفته علي المسحوب

مودتي لك

كنت بنظرها تقـل شعبـا ودولـه
وكانت تمثل كـل شـئ بسمايـه

الشآعر القدير الــهرم الذي يتعلى على هـرم الشعـر والأخلآق والـكرم / عبدالكريم الصويدر

ونـحن نقـول فعلا أنك بجزآلتك ونبل اخلآقـك تعآدل كفـة دوله بشعبهآ وليس ذلك نقصآ بغيرك .. ولـكن من يعرف ( ابو عآطف ) عن قـرب يلتمس صفآء قلبك وطيب معـدنك وتوآضعك الـجم ..!

امآ مآقـرأة في طيآت القصيـده فلآ يحق للطآلب ان يكتب خلف معلمـه شيئآ ..!

صح لسآنك ابو عآطق وعلى شآنك ..!
وكل عآم وانت بخير

تقبل مني أصدق التقدير وأطيبه ..!

حياك الله ابوعاطف
وياحلوه من عهد
عهد الطفوله
كلمات في منتهى الروعه
وصياغة شاعر عذب
عودا حميدا
ابوعاطف
تقبل
مودة اخوك
عبدالله الوحيشي

صح لسانك على الطفولة