مـا آبـي أتـزووج لاحـق عالـمـرمـطـة..^^

( ماأبي أتزوج لاحق عالمرمطة )



كلمة يرددها كثير من الشباب وحبيت أعرف سر هالجملة من أصدقائي المقربين مني

والعازفين عن الزواج فكانت ردودهم متفاوتة :

1-الزواج مسؤولية ومرمطة وقرف (حسين)

2-ياعمي يبغالي أطلع مية قرض ولا يكفي (بدر)

3-والله ياسلطان أنصحك تتزوج وتعرف سر كلامي ( راكان)<<شي طبيعي متزوج قريب

4-تبيني أتزوج وحده تقول متزوج أخوي صاحي أنت وهي وأمها يتشرطون قسم لو لميس(فهد)

5-يارجال دامك عزوبي فلها لاتتورط مثلي حليب حفايض وورع تعبان ( علي )<عنده ثلاث أطفال

6-أنا بغامر وأفكر أخطب إصبروا علي شهرين كلمة يرددها كاتب الموضوع من سنين <مو آنا


طبعا هذي كانت ردود اخوياي مانقصت ولا زادت وحسيت إنها أسباب مبالغ فيها

وإن المهر ماصار مثل أول الكثير من الناس يبون الستر ويشترون رجال صالح يخاف الله

وحبيت أعرف أسباب أكثر عن عزوف الشباب عن الزواج ..؟

سؤال خاص للأخوات زيادة على النقاش (هل ترضين بالمهر اليسيرأم أن هناك شروط )..؟؟

حبيت آخذ آرائكم بشكل موسع عن هالموضوع وكعادتي متصفحي مساحة حرة للنقاش

إحترامي ومحبتي لكم

دمتم كما تحبون