شكوى شقاوي

حياك الله فايز وياهلا

مصافحة جميلة منك وانت شاعر ومن بيئة شعرية

عجز البيت الأول اعتقد ان النقص الوارد ناتج من خطأ مطبعي

وليس من نظم الشاعر

تقبل اعجابي

الخطا مطبعي مثل ماتكرمت وتم تعديل البيت وشكرا على الملاحضة وانت شاعر كبير

وأنا سعيد بمرورك الطيب

السلام عليكم ورحمة الله وبركاته

هذي اول مشاركة لي بالمنتدى وأتمنى أن تحوز على رضاكم

ياراكب اللي تسبق الريح والطير=واليا تعلت بالسما كالغمامه
مثل الرعد لاشد صوت المواطير=واليا اقلعت حراً بعينه زعامه
في خدها وسم الرجال المناعير=آل السعود اهل الكرم والشهامه
تنقل جواباً من شمال وبه اتطير=وتاصل لشرق المملكه بالسلامه
تلفي لأبو نايف زبون المعاسير=رجلاً تجلى واعتلى في مقامه
ينقل جوابي له سلاماً وتقدير=وشكوى شقاوي وقته المر ضامه
ياخوك انا فكري بدا يكل ويحير=والقلب روح ماعليه الملامه
اسبابها صدفه وانا ماشي اعصير=شفت الذي يجرح خدوده الثامه
رفعت يمنايه ومسيت بالخير=ورد السلام بنظرتاً وابتسامه
وجتني مع النظره سهوماً مصادير=تعلن وقوعي في هواه وغرامه
وصارت حياتي ملك والله للغير=يلعب بها مابين جرف وعدامه
تدري وانا ادري بأن هذي مقادير=والليل طول ويش يجلى ظلامه

وسلامتكم

الشاعر الجميل / فايز السميري


صح لسانك ..


نص جميل .. بل أكثر ..


نص تفوح منه رائحة الجزاله ..


نص يدل على ان صاحبه له باع كبير في الشعر ..


محبتي

أسعد السحيمي

الشاعر الجميل / فايز السميري

صح لسانك ..

نص جميل .. بل أكثر ..

نص تفوح منه رائحة الجزاله ..

نص يدل على ان صاحبه له باع كبير في الشعر ..

محبتي

أسعد السحيمي

صح بدنك
ويعطيك الف عافيه على رئيك الجميل
شهاده اعتز بها ومشكور على مرورك

نص جميل خلفه شاعر متمكن وينتظره الكثير

صح لسانك يافايز
قصيده جميله ننتظر جديدك
وتقبل مرور
وتحياتي

فايز السميري
صح لسانكوسلمت يمينك
وسعيد بهالقصيده وحياك الله في منتداك ونتمنى ان نرى باقي قصائدك
وتحياتي