شكوى شقاوي

السلام عليكم ورحمة الله وبركاته

هذي اول مشاركة لي بالمنتدى وأتمنى أن تحوز على رضاكم

ياراكب اللي تسبق الريح والطير=واليا تعلت بالسما كالغمامه
مثل الرعد لاشد صوت المواطير=واليا اقلعت حراً بعينه زعامه
في خدها وسم الرجال المناعير=آل السعود اهل الكرم والشهامه
تنقل جواباً من شمال وبه اتطير=وتاصل لشرق المملكه بالسلامه
تلفي لأبو نايف زبون المعاسير=رجلاً تجلى واعتلى في مقامه
ينقل جوابي له سلاماً وتقدير=وشكوى شقاوي وقته المر ضامه
ياخوك انا فكري بدا يكل ويحير=والقلب روح ماعليه الملامه
اسبابها صدفه وانا ماشي اعصير=شفت الذي يجرح خدوده الثامه
رفعت يمنايه ومسيت بالخير=ورد السلام بنظرتاً وابتسامه
وجتني مع النظره سهوماً مصادير=تعلن وقوعي في هواه وغرامه
وصارت حياتي ملك والله للغير=يلعب بها مابين جرف وعدامه
تدري وانا ادري بأن هذي مقادير=والليل طول ويش يجلى ظلامه

وسلامتكم

فايز السميري

صح السانك

نص رائع

الله يوفقك

محبتي لك

سلطان القنيدي

فايز السميري
صح السانك
نص رائع
الله يوفقك
محبتي لك

سلطان القنيدي

صح بدنك أخوي سلطان وأسعدني ردك ومرورك الطيب
تحياتي لك

نص جميل

صح لسان الشاعر ولاهنت

ودمتم بــود

حياك الله فايز وياهلا

مصافحة جميلة منك وانت شاعر ومن بيئة شعرية

عجز البيت الأول اعتقد ان النقص الوارد ناتج من خطأ مطبعي

وليس من نظم الشاعر

تقبل اعجابي

حياك الله يافايز انت وأستاذنا الكبير الشاعر فالح السميري , ومن وجهة نظري المتواضعة ياأستاذ فالح ان البيت الأول موزون واتوقع ياأستاذي ان الشك عندك في ( كل غمامة ) ورأيي انها اذا نطقت بدون وقفة يكون البيت موزون واذا كان خطأ مطبعي اتوقع تكون ( كالغمامة ) هذا رأيي المتواضع وأنت أستاذنا علميا وشعريا وخبرتك الشعرية أقف لها احتراما وتقديرا وارجو منك التعقيب وتوجيهي اذا كنت مخطئ ,,

اشكرك يافايز قصيدة جميلة وننتظر جديدك ,,
وكل الشكر ايضا لأستاذنا العزيز فالح السميري ,,

تقبلوا مروري ,,