رد ابو سلمان على قصيدة الفرفشة والوناسة

السلام عليكم ورحمة الله

احتفاءاً وتقديراً مني لرد الأخ الكريم والزميل العزيز أبو سلمان أحببت أن أخصص له موضوع مستقل .

حيث رد بهذه الأبيات الرائعة التي تدل على صدق مشاعره تجاه ديرته وأهله الذين زرعوا فيه حب الانتماء لذا أسأل الله ان يرحم ميتهم ويعفو عن الأحياء منهم0

ياللي تخطط وين هالصــيف تقضيـه=ترتاح مــن ضغــط العــمل والدراسه
بعطيك راي ان كان يالشيخ توحيــه= وان معجبك شطب عليه امن اساسه
اترك ديــار اش كون هلا ويابيـه=الأمن ضايــع واغلب الشعـب ساســه
يغنيك عنها اسليع واهضاب واديـه=واطــعوسه اللي كنــها لـون ماســــه
بمـرافـقـة منهـو تعــزه وتغــليـــــه=الطيــب اللي منبــع الطيــب سـاســـه
وان ماعجــبك الراي تاليـه تاليــــه=قولــة ( ؟ )البعــض ربعــه ونـاســه

ملاحظة:
أبو سلمان أنا في قصيدتي أبحث عن الخوي ألي مثلك وشرواك فأنا لايهمني المكان.

الله يرحم عبيد ابن قبلان(تاليه تاليه)

وعلى ذكر المرحوم رد علي أبو مالك بهذه الابيات

الجمس جاهز فوقه الشيك ماضيه =ومرشحك ياصاحبي للرئاسة
تبغى خيام البر والا بشاليه= أهدافنا متقاربة والسياسة
وكنك تريد الصين إحجز لنا أوكيه=وألا عن المغرب نسوي دراسة
خليجنا الشرقي نبي نشوف وش فيه=برج العرب لازم نهيجن براسه

الاخ السرحاني بارك الله فيك ولك كل الشكر والتقدير على ماكتبته

اما الموضوع فانا اخترت التعليق على المكان لانني شاهدت اكثر التعليقات حول المكان لذلك اعجبني الموضوع واعرف انه يعجب الكثير منهم مثل 0ابوعبدالرحمن وابو مالك وغيرهم اتمنى ان اكون قد وفقت ولك كل التقدير

الاخ السرحاني

سلام عليكم ورحمة الله وبركاته ..

دائما الجزالة ماتألف الا اهلها
ويسعدني الرد على طرح يستحق المتابعة
ونعم الديار ومن سكن الديار ومن اشاد اليها
خالص مودتي لك ...
وتقبل ودي واحترامي,,,

هيييه انتم ياللي اسليع اسليع
تراكم معروفين مانتم من اهل اسليع
خلوا عنكم اسليع لاهله اللي صابرين على حره وبرده مثل (ابوعبدالرحمن وابوعاصم)
واصدقاءهم المتقاعدين اللي ماعندهم جوازات سفر
والا انتم معروفه مصايفكم
لكن الحمد لله اللي خربها عليكم والان تناصحون وتبون اسليع عقب ماسكرت الحدود
من غير شر ماتطبون اسليع الا بعد الاستئذان من ساكنيه الدائمين
ويضا تدفعون ضريبة مروركم
بعد اذن ابوعبدالرحمن

وين ابيات ابو مالك ماهي ظاهره. فابو مالك ملك النكته بابياته الشعريه ونحب ان نقراء له ولكم
وفق الله الجميع الى مافيه الخير والسداد

تبارك الرحمن

اعجبني الحوار الجميل ويازينك ياديارنا

وانت تشب النار بأمن وسلامه

تقبلو تقديري