مع خالـــص الود

..




الإهــداء للشيخ والشاعر العَلم :

خليوي بن محمد الشنوطي البلوي

راكب اللي بالفخامة مرتوي=قمّة الإبداع لا قبل وبعد
وقّفته ذيبٍ على رجم يعوي= ولونه اقرب ما يقاربه البَرد
إن مشى شيخٍ أخذ بنت بدوي=من ثمان سنين ما ترضى بأحد
إن همزته فز فزّت منكوي =أوّنس الجمره وفز ولاْقعد
كنّه شهابٍ على جنّ يهويّ=مثل حُرٍ مطلقينه للهدد
كل خطٍ ملتوي لك يستوي=بالسفر كنّك تمشّى في بلد
رنج روفر هو مناة المهتوي= للمواتر قال: ما غيري أبد !
راكبه يا مسندي وإنت الخوي=عقّب اللي لا حميّا ولا سند
خذ رساله من ضميري تحتوي= الوفاء والود لوجيه السعد
ووصل "الجيده" وخلّك منّتوي=شيخٍ وشاعر على القمه صعد
بالمساء له نار تضوي لك ضوي=وبالنهار تشوف له كلٍ ورَد
بيت واااضح ما تشوفه منزوي=بالكرم همال له برق ورعد
تاصل خليوي كريمٍ وجّروّي=الوفاء والجود في بيته عَمد
شاعرٍ كل بيت بالمعنى قوي=كل بيت يقول للثاني بَعَد
حِب لي خشمه .. وقلّه يا بلوي= يابو ناصر بالعلا عندك ولد
إجتماعي ما يحب المنطوي=مؤمن إن من جد بالدنيا وجد
لك بخفّاقه مكانٍ مستوي = حاجةٍ لله والوالي شهد
بلّغه أزكى سلامي يا خَوي= وقول بين الناس به علم ووعد !

محبتي للجميع
وعذراً على الغياب







.

صـــــح لـــــســــاااانك شاعرنا ولاهنت على هالأبيات ............

يستاهل الشيخ والشاعر العلم خليوي الشنوطي هالقصيدة الجزله


أبو شهد لاتحرمنا من جديدك

أطيب المٌــنــى ،،

صح لسااااااااانك

,
,

ويستاهل الشيخ الشنوطي

يستاهل الشاعر العلم خليوي الشنوطي هالقصيدة الجزله
أبو شهد مع أرقى الأماني وأجل التقادير .. لك التحية

صح السانك ابو شهد


ولاهنت


ونعم بالشيخ