مع التحــــــيه الى الشيخ فالح مرزوق الوحيشي

يجود السحاب احيان واحيان مابه جود=ولو غطت غيومه بساط الوطا من فوق
ويمين الكريم تجود طول الزمن وتزود=سحايب عطاها ترضي الرب والمخلوق
وهذي سجية بالوحيشي وعقب جدود=لبس بشتها وعقالها فالح المرزوق
فتح باب ديوانه وفعل الكرم مشهود=بمد اليمين اللي عسى مايجيها العوق
زهى مجلسه بالبن وحلو النبا والعود=وجزايل يقدمها ولو شاط سعر السوق
ويعطر سواليف الرجل هرجه المحمود=وهبه الولي للي معه طيبة المنطوق
والى عمسة الاريا يجو له يفك عقود =ويرضي جميع اطرافها رايه الموثوق
سلايل رجال الطيب تارد عليه ورود=مقاطع حقوق وترتضي لو عليها حقوق
اوحشــــه الى النخوه كما ثورة البارود=تكاتف يدين رجالها ماتعرف البوق
تجيب الكرام كرام وتجيب الفهود فهود=وفالح به الثنتين مجبد نسب وعروق
بجاه الكريم الخالق الرازق المعبود=عسى الخير لبو عنــــاد طول الزمان اوفوق

ونعم في ابو عناد


وصح لسانك ابو عمر

يعطيك العافيه أبو عمر

أبيات جميله من شاعر رائع

ويستاهل أبو عناد

صح لسانك شاعرنا فالح ...........

تحية ياخالد الزوين على مرورك العطر

ابو عمر صح لسانك
يستاهل ابو عناد كل خير
تقبل تقديري