امر غازي

الى احبابي
مع
خالص
التقدير

أحضر أحضر ياقصيدي عند باب الفكر وأذعن=اعرف اني لادعيتك غصب تاقف عند بابي
استعد وشف هجوسي كل ابوها جتك تضعن=واعرف ان الموقف اكبر من ملامتك وعتابي
دام راسي مايضيق ولو غدً بالدرب يسعن=سجلوني في حضوري واحفظوني في غيابي
أه من هم الفراق اللي بوسط القلب يطعن=وأه من ذاك السؤال اللي غدا موته جوابي
يومنا في كل مابه مثل امساً فات والعن=لي متا والجرح ينزف والزمن زود عذابي
ولي متا والبيض خلف السود لامريت ينعن=ولي متا وحروف شعري سجنها يصبح كتابي
والهموم اللي بقلبي من سنين طوال يرعن=كيف اصارعهن ليا صارن بهالدنيا مصابي
والزمان اللي على روحي بصكاته تفرعن=والله اني حاسب حسابه قبل يحسب حسابي
مايحدد امر غازي بالمواقف راس ارعن=لو اعيش اللي بقالي من حياتي باغترابي
لني امشي في ثبات ولا استرقت بيوم سمعن=لا ولا ارخصت لقصير الماد لحظه من شبابي
ولاكسبة المرجله في مال والا بهل دمعاً=اكتسبها في فعولي واحتميها في صوابي
ولاانهزمت ولا ضعفت الين صار الذل طبعن=لو هموم الوقت تزرقني مثل زرق الجنابي
اخذً حقي من اللي يغبطون الحق شرعن=لون راس من ضروف الوقت والأيام شابي
والعلوم اللي تسوي في قلوب الناس وقعن=ماتحركني لأني ماهتوي طرد السرابي
والنفوس اللي من اكل لحوم خلق الله شبعن=اشتكيهن لله اللي مجرياً كل السحابي
كم دعني اتبعهن لين من دعواي قنعن=واستباحن صدر غيري يوم رشد العقل غابي
ليه اخفي ليه اخبي دام كل الناس جمعن=وليه اسامح دام سيفه ودع احدود النصابي
وكيف اهاب ولي خيولاً يقطعن البيد قطعن=ولي سيوفً يحذفً الروس من فوق الرقابي
لا ولا من هم وقتي يوم واحد ضقت ذرعن=ولاكسرت العز فيني لجل زادي او شرابي
لكن لذيك المثاني قلت للأيام سمعن=حتى لو هم الزمان الشين بالدنيا سطابي
وارتحلت لسكة المجهول كرهاً ليس طوعن=واتفكر بالزمان اللي بغفلاتي غدابي
واتمهل قبل لحكم في حياتي حكم وامعن=واحسب حساب البعيده قبل لحسب القرابي
نظرتي ابعد من اللي للضفاف السود يدعن=من بنناً بالليل صرحاً يوم بان الصبح ذابي

وسلامتكم جميعاً

الشاعر / غازي دخيل الله السرحاني

اهلاً وسهلاً وكل عام وانت بخير ومبروك عليك الشهر


والف صح لسانك على هذه القصيده الجزله وليس بغريب عليك دائماً وانت بمثل هذا

الحظور

الأخ العزيز والشاعر الجزل/عايد السميري

كل عام وانت بخير وجعلنا الله ممن يصومه ويقومه ايماناً واحتسابأً

اخي العزيز صح بدنك ولك من الشكر اجزله على مرورك الطيب الذي اعطى القصيده جمالاً اخي شهادة شاعر مثلك تحسب للقصيده وللشاعر لك الشكر والتقدير من القلب.

وكيف اهاب ولي خيولاً يقطعن البيـد قطعـن
ولي سيوفً يحذفً الروس من فوق الرقابـي
لا ولا من هم وقتي يوم واحد ضقت ذرعـن
ولاكسرت العز فيني لجـل زادي او شرابـي
لكـن لذيـك المثانـي قلـت للأيـام سمعـن
حتى لو هم الزمان الشيـن بالدنيـا سطابـي

ونعم والف نعم فيك ياغازي دخيل الله السرحاني من قرب ومن بعدومن قرب اقصد بك ومن بعد اقصد الليّ فيك الحي والميت والحي للغناه والميت للجنه.
انت شاعر متمكن واعرفك عن كثب والقصيده لاتعليق لي عليها لان شهادتي فيك مجروحه والاخوان ماقصروا في التعليق وتستاهل اكثر لانك انت تستاهل والقصيده تستاهل ياالغالي.
تقبل تحيات اخوك/ ابوبجاد.

أستاذي الفاضل وأخي الأكبر / ابو بجاد

منذ صغري وانا اكن لك كل احترام وتقدير ومرت السنين وكبرت انا وكبر قدرك في صدري لأنك تستحق الشي الكثير مني فلا طالما كنت انظر اليك بعين الأخ الصغيرالذي يناظر لأخيه الأكبرولكنني في الوقت الأخير بدأت اشعر بالحرج مـن كــل تقديري واحترامي لك لأنني رأيت انه لايوفيك حقك ولأانك تستحق اكثر واكثر اقف احتراماً لشخصك الغالي والعزيز على قلبي تحيه من القلب ارفعها الى مقام شخصك الغالي ايها الرجل المحترم والشاعر العملاق والأخ الأكبر.

وكل عام وانت بألف خير.

صح السانك ابوريان

شاعر مبدع ورائع