حطك روح القصيده وأنت لشعاره زعيم

ليه تشغلني وأنا اللي من غرامك ماأنام=ليه تهجرني وأنا اللي في عيونك مستخيم
ليه تكتبني قصيدة وبلها كنه غمام=ليه وأنت الحب كله والمطر جنب النسيم
اذكري عينن بكتك يوم تبكي بالزحام=يوم ريح الحزن هبت وأنت في قلبي يتيم
اذكري من جف دمعه حبر حطه للقلام=حطك روح القصيدة وأنت لشعاره زعيم
ليه تبعدني حبيبي عن حنانك والكلام=وأنت تدري ياظنيني دنيتي بعدك جحيم
ليه يانور(ن) تجلى وانجلى فيه الظلام=العمى زاور عيوني وخبري بقلبك رحيم
العزى عندي قصيدة قالها طير الحمام=بالهديل الطير غنى جاوب الصوت الرخيم
ارسمي يوم(ن) جمعنا وخلي الرسمه غرام=وخلي اطيورك تغرد بصوت عاشق مستهيم
وارسميني لك سحابه وبلها كله هيام=تسقي القلب المعذب وأرسمك بالجو غيم
بي جنود الشوق صاحت وتهدي لخلي السلام=ومايريد القلب منك كود نظره يالكريم
مندفع جيتك قصيده قافها سدل الظلام=المعذب جاك يبكي يلتمس منك النعيم

* فالح بن مظهــــــر

صح لسانك اخوي فالح

كل بيت اجمل من الثاني

بيت رائع وفقك الله

العزى عندي قصيدة قالها طير الحما

بالهديل الطير غنى جاوب الصوت الرخيم

صح اللسانك
يعطيك العافيه

شاعرنا / فالح بن مظهر


وقصيده رائعه بكل ماتعنيه هذه الكلمه


نص يحمل إحساس

ليصل الى قلوب محبي الشعر


ابن مظهر ياااااااااااهلا بكــــ وصح لسانكـــ

صح بدنك أخوي محمود

والجميل والرائع اطلالتك البهيه على متصفحي

سائلا المولى لك التوفيق في الدنيا والأخره0

الله يعافيك أخوي عبدالله

شاكرا لك مرورك الجميل0