قالواااا تغزل قلت في شمخ الذرا للأخ مشعل السرحاني @@@

السلام عليكم ورحمة الله وبركاته

يسعد مساكم بكل خير جميعااااا

كأن سمعت احد ينادي ويبي توقيع
ويت طيراان

سويت هالتوقيع البسيط للأخ مشعل السرحاني
عضو نشيط وفعال ويتنقل من قسم لقسم ماشاء الله عليه يستاهل وسام مو توقيع
أتمنى ينال رضاك

مافيهم فرق غير الأسم ساكن ومتحرك

وهاذي تكملة القصيده
لشاعرمحسن بن علي

قالوا تغزل قلت في شمخ الذرا=اللي خلقها الله وزيّن تصويرها
ضرب بها الأمثال في محكم كتابه=قبل السماء والأرض هي وغيرها
وقبل الجبال الراسيات الشوامخ=من بين لحم ودم أخرج دريرها
يا زينها لا هجدت ليل ربعها=وسمعت فوق الحوض جضرة صغيرها
قامت تزاحم فوق حوضٍ موّسر=مثل السباع إذا دغرها خشيرها
ورى وعوّد ثم لا الحوض ممتلي=قامت تفاهق من روى جم بيرها
تناطلت في معطانها لاكن وصفها=رحى تهامية في الأرض تدفن بريرها
تناعست غفوة ودكت وعلت=وقامت تزاعج يم مفلا صديرها
تقاطرت مع المصدار لاكن وصفها=طوابير جيشٍ لاومرها وزيرها
وصلت معشاها بليلٍ وعشت=وتخالطت خلفاتها مع عشيرها
أساطيل لامشت قصورٍ لاأمرحت=يا زين في المفلا طوارف نشيرها
تصبر على الجوع وتصبر على الظمأ=ومن عظم شأنها ما يجبر كسيرها
وإذا ظهر نجم السويبع وإرتفع=وجهالها قامت تغازل بعيرها
تقضقض فحلها بالهداد وشفتها=تديره وهو بالهدير يديرها
ثم إنحنى كالقوس لاكن حسه=طبلة هل العارض لادق زيرها
قام يحداها عن هواها وتتبعه=مثل السرية والفحل هو أميرها
فيها قريع الذود ماحل مثلها=ملحاً ظهيرة وأركبوها بضيرها
لادارها الحلاب حنت وأرزمت=مهيب نحوسٍ طبعها نثر خيرها
تشنحطت كن النعاس يغشاها=وأخلافها الأربع تسابق ذريرها
أبيض من القطن وأحلى من العسل=وأخير من بيبسي البلاد وعصيرها
كن الدكاتر بالدواء بنجوها=ما تلتفت لوكان تقطع وخيرها
جسم جليل وعنقها من زرافة=وإذنين كالحربة بليا جفيرها
يالله لا تقطع عنها جمايلك=وبذنب غيرها لا تعطل مسيرها
وأنزل عليها الغيث من باب فضلك=أنبت فياض الأرض وأرخص شعيرها
يالله بنوٍ مدلهمٍ خياله=في ليلةٍ غرا حقوقٍ مطيرها
يرعد ويبرق ما تفصل رعوده=يحي هشيم الأرض وينبت بذيرها
نهار سابع تعرف العشب كله=تميّز دقاق العشب وتعرف كبيرها
كن الخزاما في طوارف فياضه=لون الزوالي صوفها مع حريرها
صفارها ومرارها مع عضيدها=شيء يشوق النفس ويعجب نظيرها
يازين ممشاً به على كل حزة=قوارير طيبٍ فاح منها عبيرها
أخير من قصرٍ تسكر نوافذه=ومكيفات البيت تسمع صفيرها
أما لفحك الحر وألا برادها=وألا تلحف لا يضرك ضريرها
يا شين برادٍ مصدره من مكينة=لا شغلوها دوختك بصريرها
هذا كلام اللي تمثل وغنى=ينظم قوافيها ويأخذ عسيرها
وإختار من زين المعاني جلالها=يترك خواشيها ويأخذ غزيرها
تمت وصلى الله على سيد الورا=محمد رسول العباد بشيرها

وعليك بالعافيه
تتهنأ فيه يارب

الله يسعدك على روعة التصميم

وأخونا مشعل يستاهل كل خير

يستاهل / ابو فيصل

تصميم رائع

شكراً أم علي

يسلمو أهل البحرين .. مين العين

يستاهل مشعل

رجل متواجد ويرد على الجميع

وخلوق



ام علي الله يعطيك العافيه
وعسى ابو علي ما يتزوج غيرك

الله يسعدك على روعة التصميم

وأخونا مشعل يستاهل كل خير

هلاااااا وغلاااااا

ويسعدك ربي ع رووعه مرورك

خيالة بلي

يسعدني تواجدك دائماااا

ماننحرم من وجودك عزيزتي
دمتي بخييير

يستاهل / ابو فيصل

تصميم رائع

شكراً أم علي

يسلمو أهل البحرين .. مين العين

حياااك الله أخ مرزوق
توه مانورت تصاميمي بمرورك العطر
العفووو أنا من تشكر تواجدك هنا
تسلموون يا اهل السعوديه أهل الكرم والجود
لاتحرمنا من هكذا مرور
دمت بخييير