[قصيدة]المعذرة ياقدس

انا حلمت القدس تزهم علية=تقول شارك ماتبقى من ارواح
شارك يبو صالح رجال الحمية=اللي لعين القدس ضحو بلارواح
امحمد الدرة ومليون زية=يواجهو بصدورهم جيش سفاح
يواجهو شارون راع الاذية=وموفاز ذاك اللي كما الكلب نباح
رديت انا ياقدس صبرك شوية=لاتحسبين اني بما صار مرتاح
ابكي على اللي صار صبح ومسية=وانا ادري ان القدس مايفيدها اصياح
المعذرة ياقدس وش في يدية=لاجيش عندي لاقنابل ولاسلاح
حتى ولو حصلت لي بندقية=يبغا لنا لقفال الاحدود مفتاح

صح لسانك اخوي

أبو صالح العرادي

وقصيده معبره وجزله تحكي معاناة القدس مع الصهاينه اسئل الله العلي القدير ان ينصر المسلمين عليهم
لك الموده اخوي ابوصالح ودمت بخير
وشكرا

ابوصالح
صح لسانك
قصيده رائعه والله يكون بعون اخوننا الفلسطينيين

السلام عليكم ورحمة الله وبركاته

صح لسانك
وحقيقة اجدت في وصف معاناتنا

المعـذرة ياقـدس وش فـي يديـة..........لاجيش عندي لاقنابـل ولاسـلاح

حتى ولـو حصلـت لـي بندقيـة........... يبغا لنـا لقفـال الاحـدود مفتـاح

صح لسانك اخوي ابو صالح
كلام معبر

ابو صالح العرادي

صح لسانك ولاهنت

قصيدة معبره ورائعه

دمت بخير