ياعبد الكريم الله يسهل لك النيه = مع اللي عطانياك يابوك ودعتك

بعد سفر ابني عبد الكريم الى لندن لطلب العلم قلت هذه الابيات

ياعبد الكريم

ياعبد الكريم الله يسهـل لك النـــيّه = مع اللي عطاني (ياك) يابوك ودعتك
توكل على الله والمقادير حتميـــه = ولا غير تقوى الله يابوعيد نافعتــك
ولا غير ربـي قادرا يحفظـك ليّـه = ويقبل لدعواتـي ودعوات مرضعتك
انا ودي انك في ربوع السعوديــه = ولكن دامك تطلب العلم طاوعــتك
اوصّيك كن للنفس واعظ عن السّيه = ترى النفس والشيطان للشر دافعتك
على الدين طبّعـتك مذاهبـك سنيّـه = وخلّـك علـى ماكان يابوك طبّعــتك
وترى العلم يبغا منك همّه وجدّيه = حصاد اجتهادك عالي المجد رافعتك
اريـد النتايج منـك ميـه على ميـه = ولا اريد سيف الوقت يابوك قاطعتك
ياعبد الكريم القلب يرعاك راعيه = عسى الله مايخيب لي آمال تابعـــتك
افكـر بقربك واتحرا لك الجيـــه = الى دق باب الـدار قمت وتطلعتــــك

صح لسانك على هالأبيات والله يوفق عبدالكريم ويرده بأعلى الشهادات ...............

اخي العزيز مشعل بن مشحن

حياك الله اخي الغالي واشكرك على حضورك الطيب

وفقك الله لما يحب ويرضى

ياعبد الكريم القلب يرعاك راعيـه
عسى الله مايخيب لي آمال تابعتـك
افكر بقربك واتحـرا لـك الجيـه
الى دق باب الدار قمت وتطلعتـك
اللهم أمييييين

يرجع بأعلى الشهادات بإذن الله
صح لسااانك وحفظ لك ابناؤكـ

اختي الفاضله خيالة بلي

يا الف هلا ومرحبا واشكرك على دعواتك الطيبه واسال الله ان يحفظك ويسعدك

ويحفظ لك غاليك

تحياتي

بعد سفر ابني عبد الكريم الى لندن لطلب العلم قلت هذه الابيات

ياعبد الكريم

ياعبد الكريم الله يسهـل لك النـــيّه = مع اللي عطاني (ياك) يابوك ودعتك
توكل على الله والمقادير حتميـــه = ولا غير تقوى الله يابوعيد نافعتــك
ولا غير ربـي قادرا يحفظـك ليّـه = ويقبل لدعواتـي ودعوات مرضعتك
انا ودي انك في ربوع السعوديــه = ولكن دامك تطلب العلم طاوعــتك
اوصّيك كن للنفس واعظ عن السّيه = ترى النفس والشيطان للشر دافعتك
على الدين طبّعـتك مذاهبـك سنيّـه = وخلّـك علـى ماكان يابوك طبّعــتك
وترى العلم يبغا منك همّه وجدّيه = حصاد اجتهادك عالي المجد رافعتك
اريـد النتايج منـك ميـه على ميـه = ولا اريد سيف الوقت يابوك قاطعتك
ياعبد الكريم القلب يرعاك راعيه = عسى الله مايخيب لي آمال تابعـــتك
افكـر بقربك واتحرا لك الجيـــه = الى دق باب الـدار قمت وتطلعتــــك

صح لسانك والله يرده بالسلامه
سالم غانم بأذن الله

دعواتنا له بالتوفيق