" مشورتــــكم يا رَبعـــي "

بسم الله الرحمن الرحيم
والصلاة والسلام على اشرف الانبياء والمرسلين
السلام عليكم ورحمة الله وبركاته
تحية طيبة لجميع الاخوان زوار واعضاء ومشرفين
واسعد الله أوقات الجميع
بكل صراحة يا اخوان ما دفعني لكتابة هذا الموضوع او بالأصح كتابة هذه الأزمة التي ارقتني لاكثر من أسبوعين ولم اجد لها مخرج او حل حتى هذه اللحظة إلا انني متيقن وواثق كل الثقة أنني سأجد المشورة التي احتاج لها لديكم، لما يزخر به هذا المنتدى من عقول نيرة ورجال هم اهل لأخذ مشورتهم
موضوعي بارك الله فيكم هو انني معلم بإحدى مدارس مدينة تبوك ، وتم تعيين زوجتي بإحدى الوظائف الصحية ولكن للأسف في منطقة القصيم ، منطقة لم أحسب لها اي حساب ، ولا اعلم كيف تم تعيين زوجتي بها خصوصاً وان رغبتها في ديوان الخدمة مدينة تبوك فقط
قبل أسبوعين توجهت معها لمنطقة القصيم لعلي اجد حل ، قمت بمقابلة مدير الشؤون الصحية بمنطقة القصيم ولكن مقابلة لم تأتي الا بعد ثمانية ايام من ملازمتهم ، والذي أبدى تعاطفة الكبير مع وضعي واخبرني بانه لا يملك لي حل الا انه سيسمح لها بقضاء ثلاثة اشهر فقط في مدينة تبوك وبعد هذه المدة اما العودة او الفصل نهائياً ولن يسمح لها بنقل او ندب او تكليف الا بعد قضاء سنة كاملة لديهم ، حالياً أسبوعين وانتهت من مدة الثلاث اشهر
والآن لا اعلم ماذا افعل ، العديد من الزملاء والإخوان أشاروا علي بنقل مقر عملي الى منطقة القصيم بنظام الندب او التكليف ولكن احتمال موافقة ادارة التعليم على هذا الحل ضعيف جداً مع انني في حال الموافقة لن أتردد بالذهاب معها ولو بقيت 10 سنوات خارج تبوك أهون علي من ترك زوجتي بتلك المنطقة لوحدها
لأنه ان تم رفض طلبي بالانتداب لن يكون أمامي حل الا ان يتم فصلها من عملها
فليس من المعقول ان اجعل زوجتي تبقى في تلك المنطقة و مغتربة ولوحدها وبدون اي مرافق لها
رايكم يهمني ، ولا تنسوني من دعائكم

أول شي أسال الله أن ييسر أمرك

الامر الثاني
حسب وضعك وانا أخوك وانت ادرى بوضعك أن كنتم محتاجين وظيفة زوجتك
خل أحد من أخوانها أمها أي أحد من محارمها

يوقف معاك ويسكن عندها بالقصيم وانت تروح وتجي عليهم
وكلها سنه وتعدي

أو أنت حاول تنقل عندها والنقل حسب ما سمعت من وزارة التربيه
هذه السنه سيحققون رغبات من يطلبون النقل



أما اذا كنتم ما انتم محتاجين للوظيفه
فوالله خل زوجتك ببيتها وعند عيالها ما فيه شي يستاهل الغربله والبهذله
فلو صار لها أو لك شي لا قدر الله

وقتها لا نافعتك وزارة قحه ولا وزارة تعليم

والمسأله كلها على حسب وضعك أنت وأنت أدرى عندك أطفال ما عندك أطفال أمور عديده تحتاج
منك لتفكير


لكن " ما فيه مثل " المرأه ببيتها "


وفقك الله

وانا اخوك هالمشكلة تواجه الكثير

وانا منهم للأسف

مثل ماتفضل الاخ حامد

انسب حل تشوف احد اخوانها يسكن معاها

وأنت الله يعينك على المشوار ،،،

ولاتقف عند هذا الحد

بس انتبه هي تطلب نقل وانت تطلب نقل

وكأنك ماسويت شي يتم النقل ولااستفدت شي هي بديرة وأنت بديرة

مثل احد الزملاء موظف مدني تم تعيين زوجته في محافظة ضرماء وتبعد حول 100 كيلو عن الرياض

وكان متشائم من هالمسافة وطلب نقل وبنفس الوقت رفعت طلب نقل زوجته تم نقله هو لضرملاء

وبنفس الوقت تم نقل زوجته للرياض يعني أتمنى مايصير حظك مثل حظه

شوف ممكن أنك لو تطلب نقل أنت وياها تتفقون عليها لقرى او محافظات اتوقع النقل مايطول سوان التعليم او الصحة..

الله يعينك وانا اخوك والرزق لازم الواحد يصبر عليه

أول شي أسال الله أن ييسر أمرك
الامر الثاني
حسب وضعك وانا أخوك وانت ادرى بوضعك أن كنتم محتاجين وظيفة زوجتك
خل أحد من أخوانها أمها أي أحد من محارمها
يوقف معاك ويسكن عندها بالقصيم وانت تروح وتجي عليهم
وكلها سنه وتعدي
أو أنت حاول تنقل عندها والنقل حسب ما سمعت من وزارة التربيه
هذه السنه سيحققون رغبات من يطلبون النقل
أما اذا كنتم ما انتم محتاجين للوظيفه
فوالله خل زوجتك ببيتها وعند عيالها ما فيه شي يستاهل الغربله والبهذله
فلو صار لها أو لك شي لا قدر الله
وقتها لا نافعتك وزارة قحه ولا وزارة تعليم
والمسأله كلها على حسب وضعك أنت وأنت أدرى عندك أطفال ما عندك أطفال أمور عديده تحتاج
منك لتفكير
لكن " ما فيه مثل " المرأه ببيتها "
وفقك الله

حياك الله اخوي حامد
والله وانا اخوك مهما كان ما فيه شي يحدني اخلي زوجتي تروح بدون محرم
وللأسف الام والإخوان وضعهم ما يسمح
بنفس الوقت فيه أمور هي اللي محيرتني
- دراستها ، ودوراتها ، اختبارات الهيئات الصحية ، اختبارات اللغة أمور تعبت فيها .. تروح هدر ؟؟
وتعيينها في القصيم جاء في مستشفى الولادة وهو نسائي بحت مو مثل عندنا ( وهالشي زاد من رغبتنا بالوظيفة )
ومن ناحية الاطفال فيه أسيل الله يحفظها
والنقل يبي لي انتظر سنة لين يبدأ التقديم يارب رحمتك
شاكر لك مرورك وتفاعلك يا ابو حمد

وانا اخوك هالمشكلة تواجه الكثير
وانا منهم للأسف
مثل ماتفضل الاخ حامد
انسب حل تشوف احد اخوانها يسكن معاها
وأنت الله يعينك على المشوار ،،،
ولاتقف عند هذا الحد
بس انتبه هي تطلب نقل وانت تطلب نقل
وكأنك ماسويت شي يتم النقل ولااستفدت شي هي بديرة وأنت بديرة
مثل احد الزملاء موظف مدني تم تعيين زوجته في محافظة ضرماء وتبعد حول 100 كيلو عن الرياض
وكان متشائم من هالمسافة وطلب نقل وبنفس الوقت رفعت طلب نقل زوجته تم نقله هو لضرملاء
وبنفس الوقت تم نقل زوجته للرياض يعني أتمنى مايصير حظك مثل حظه
شوف ممكن أنك لو تطلب نقل أنت وياها تتفقون عليها لقرى او محافظات اتوقع النقل مايطول سوان التعليم او الصحة..
الله يعينك وانا اخوك والرزق لازم الواحد يصبر عليه

يا هلا باخوي سعود
النقل بالنسبه لها ممنوع لازم تكمل سنة عندهم
وانا ما اقدر اقدم نقل لازم انتظر السنة الجاية واقدم على حركة النقل
المشكلة في السنة الحالية
الحل الوحيد هو ندبي من تبوك الى القصيم ولا ادري عن ادارتنا توافق ولا لا
هاليومين بروح لادارة تعليم تبوك وربك ييسرها
دعواتكم ....

الله ايعينك ابو آسيل

والله انتو يالمتزوجين الله ايعينكو هههه

أناّ اشوف ياغالي آنك آتحآول بآحد من آخوة الزوجة ايروح معآه