مرثيه الشاعر:حسن عبيد السرحاني ..بالامير نــايف

عينــي لها عن لـذه النـوم حـــراس**** الهـــم طاويـــني وكـــبدي عليــله
وفات نايف صاعقه شـــلُت الراس**** وهلت على الشعب السعودي ثقيله
اكبر مصيبه خلٌت الخــضر يبـــاس**** مــنــيتــه مابيـــن يومـــن وليـــلــه
لابــاس ياحــرن فقدنــــاه لابــــاس ****مــلفــاك عذبــات الجــنـان الظـليله
مافيه نايف مثل نايف من النـــاس**** صعــبن على الخفرات تــالد مثيلــه
الصبر طيب والرجا يقطع اليـــاس**** والحمـــل يلقــا فالوطــن من يشيله
ضو القمر يجلا مصابيح الادماس ****عزوت رفيع الشــان ماهـــي قليلــه
الموت فالارقاب والحكم له ساس**** في شــجرت ال ســعود نعم القبيــلــه
صلات ربـــي عد ماهبب نســـناس ****على النبي راعي الصفات الفضــيله

صح السانه
ورحمة الله على فقيدنا الامير نايف
الف شكر على النقل

صح لسانك ي العم وتسلم يمينك
ورحمة الله عليك يااسد السنه
ويعطيك العافيه ياولد العم على هالنقل الجميل
وماهي غريبه عليك هالقصايد الجزله يالعم الغالي..

رحم الله اميرنا المحبوب (وصح لسانك

صح لسان الشاعر ....

ورحم الله الأمير نايف واسكنه فسيح جناته........