فيني شعري الحاكم حسّي داخلي المسجون

قالت العقل زينه وانت الشاعر المجنون=لما تكتب ابياتك احسّك عايشٍ فينا
قلت الشعر يازِينَه خلّى في القلوب عيون=تشهد عالذي قد غاب في قلبي تلاقينا
فيني شعري الحاكم حسّي داخلي المسجون=يفرج عنّه الحاكم اذا عنده تقاضينا
شعري درهم المحتاج شعري دمعة المغبون=شعري يحاسب الظالم عنّه ماتغاضينا
شعري اب للأيتام شعري للأرامل عون=شعري يدعي الدعوات إنَّ الله يهدينا
صديقٍ صادقٍ صالح قافَه بالعقل موزون=يخفف همّنا بالبوح بالشدَّه يخاوينا
ورود الشعر فوّاحه وِدْها في البلاد تكون=عطر الحب و الحكمه و حاضرنا و ماضينا
ودِّي لاختفى صوتي وصرت الميّت المدفون=أورِّث بعدي الأبيات و الأجيال تطرينا

خالد البلوي

صح السانك انشهد ان اشعارك كلها فود والي يحاول يشكك في مضامين شعرك وابداعاتك اعتقد ان بحر شرما قريب منه فاالى الأمام ياالشاعر المبدع

صح لسانك يابو ريما

من العايدين

وكل عام وانت بخير

صح لسانك ورحم الله والديك
وكل عام وانت بصحه وسلامه

صح لسانك ونبضك ياابو ريما


وكل عام وانت بخير

صح لسانك ونبضك ياابو ريما


وكل عام وانت بخير

صح بدنك اخوي ابو حسام

وكل عام وانت بالقلب ياصديقي

والله لايحرمنا طلتك الجميله





ودي و تقديري