السلام عليكم ..
وبعد غيابي عنكم .. وغياب الشعر عني .. اتيناكم على قَـــدَرٍ .. كما اتتني على قدَرٍ ..
فهاكموها وجدانية .. انسابت من اعماق القلب


خلاص ياقلب العنا باقي ايام "=" ومن ثم ياخذ كل واحد نصيبه
تمضي بنا الدنيا وعام ٍ بثر عام "=" والامر لله دون شك ٍ وريبه
احد ٍ بهالدنيا على خير ما يلام "=" واحد ٍ بها عايل وربي حسيبه
ماهي لنا الدنيا ولا احد ٍ بها دام "=" زماننا يمضي ولا احد ٍ دريبه
اسمع ترا ما تنفع النفس الاحلام "=" والعايل اللي ما يطاوع طبيبه
حدّد لك علاجك وحدّد لك نظام "=" وانته لبيب ولا يبيلك غصيبه
بيّن لك اصحابك وبيّن لك اخصام "=" وكل ٍ على ما قيل يحدد صحيبه
كلمه اخيره وكل كلمه لها ختام "=" الكل ياخذ بالنهايه نصيبه
وسلامتكم