اهداء لسعادة العقيد منصور منقره

.............
لقيت لي صوره بها حروف قيفان
لفتت وفا بين الرجال الوفيه

لابوسعد فيها تحيه وعرفان
منصور راع المرجله والحميه

النادر اللي للمواجيب عنوان
بالطيب والنوماس مافيه زيه

من قبل لايلبس على الكتف نيشان
صيته تراث جدود ماهي عريه

مناقره لاثار بالجو دخان
ياما حموها فوق سرج العبيه

ربعاً لهم بالمرجله والكرم شأن
بالوقت ذا وايامنا الآوليه

يستاهل التمجيد قولاً ببرهان
والمدح لآهل الطيب حقاً عليه

والصوره اللي طيبها للعرب بان
وقفة وفا فيها إحترام وتحيه

سطر معانيها سلايل كحيلان
عبدالرحمن محمد ابن سهيه

تحمل مشاعر صادقه بين الآخوان
من طيبهم كلاً يقدر خويه
...........
مع تحيات
سعد هويمل السرحاني البلوي