ياعـــــيــــد

هذه القصيده موجهه للشاعر الكبير : عيد بن قيضي الوابصي

ياعـــــــيـــــــد

ياعــيــد ماعــــّدا نهـــار إلا ذرف دمعــي وهــلِّي
على وليـــف ٍلا لمحــته قـمــت أرحب به وأهــلي
أشتاق له وأسهــر على حِــروة مْلاقاته وهـــل لي
غـيـر الصبر والصَّــبْر في قلب المعــذب نار حيه
عشق ٍ على وضح النقـا ماهوبعـشق أهل الشرايح
اللي بلا مـبـدا وديـــن وعمــرهـم بالغــش رايــح
واللي حــداهم لو بكيفــه قطَّــع الثـاني شـــــرايح
ماغــير يطــلع من قـضيــه ثم ياقــع في قضــيه
أول ثلاث حروف (طاف)وطاف تقرا طوف كعبه
وآخر حروفه (هم) والهم يـغَدي من صوت كعبه
له مــنزل ٍ مافيه حــي ٍ قـد سجــد فيه وركــع به
والله عــــلـــيم بنيـــة العشــاق والنــيـــه مـطيـــه
الخــد صبــح ٍ والثـنــايا بـرق لامـن لاح نــــــوِّه
والصــدر وادي مستتب الأمــن بين أسْـده ونـوِّه
والعـنــق عـنق الريـم للي يجهـله حبـيـت أنــوِّه
والمــبسم أحمــر كـن لونــه لون شمس المغربيه
لعيونه آقف وأحتـزم والـدم بين الجمع أريقــه
بالماقف اللي كل من شافه عجز عن بلع ريقه
وشلون لا مـادام له لابـه ومن عــيله عــريقه
وإن مـر قدامي ضربت لخاطـر عيونه تحيه
في داخلي نيــران مابه حي ماشاف ألسنتــها
من سبة اللي فرّقونا غصب من قول ألسنتها
وأيامنا يرحل شهــرها قبل ماترحل سنتــها
وإن مــر طيفه ماجــدايه غـير أدن الهاشميه
الله حسـيبه قبـل يرحل حط في قلبي عــلامه
وأقفى وخلاني وأنا واللي خلق مدري علامه
مدري تكـبـّـر نور عيني بعد ماخلّص علامه
ولا نسى ذيــك السنيــن اللي قضيناها ســويه
بالديــره اللي بالوفا والتضحيه رفـــرف علمها
منهو جهلها يسأل أهـــل المعرفه واللي علمها
وشلون لا مادامهـــا كالنــار في عــالي علـمها
الله يحفضــها من شـــرور المخالــيق الــدنيـــه
ياعيد جيت وعادتي لامن شقرت القاف شقـرا
يسمع به اللي من شروره لين ياصل حد شقـرا
والشعر موروث العرب لولاه ويش أكتب وش أقرا
وأنا لــو إني ماني بمطنوخ ما أســـرجت العــبيــه
والرجـــل لولا جـــوده المــذكور مايـلفيـه لافـــــي
وأنا لـفيـــتـك وأكــثر الـشعــار تاركــهم خــلافــي
وإن قـلـت لي مافيك غــير العافـيه رديت لا .. في
هــم ٍ من أسباب الغضي خـــلاني آصفــق يـــديـه
والشاعر اللي مايحسْب حساب لي ما أحسب حسابه
وآقــــول له يوم ٍ من الأيـــام يخــطي في حســــابه
وآذكـــره وإن ماقــبَـل يبــقى على المـولى حسـابه
في ساعــة ٍكل تبـــرّى مِن ولـــدْه ومِـــن خـــويه
واللي غـــدر في صاحبه وألقاه وسط الجب خانه
دور على خانــــه ولكــــن مالقى بالجب ..خانــه
ماينــفعـــه لو كـان شهـــم ومحتــزم في جبخـانه
المـوت مايعـرف شجيــع ولا يعَــرْف المرحميه
وآخـــر كلامي ياصلاة الله على المختـــار طــه
إعـــداد حبات الرمـــل وإعــداد ماحـي ٍ وطاها
وإعــداد مابين السمـا ونجـومها حتى ..وطـاها
وإعـداد مايــذبح من الأنعــام في عــيد الضحيه


وسلامتكم

ياعيد جيت وعادتي لامن شقرت القاف شقـرا
يسمع به اللي من شروره لين ياصل حد شقـرا
والشعر موروث العرب لولاه ويش أكتب وش أقرا
وأنا لــو إني ماني بمطنوخ ما أســـرجت العــبيــه
والرجـــل لولا جـــوده المــذكور مايـلفيـه لافـــــي
كفو ياسالم شاعر مبدع وشهادتي فيك مجروحه
وتقبل مروري

تسلم أخوي : مسند
ولا خلا ولا عدم

صح لسانك على هالأبيات

اخي العزيز الشاعر سالم البلوي
صح الساتك وبارك الله يك شاعر تجيد صياغة المفردات على رونق خاص
الحقيقه القصيده كلها اعجبتني وخاصه التلاعب بحروف الاسم وتقسيمها وعكس اقسامها
لله درك -
واشكرك على نوجيه القصيده لي وهذا مما يشرفني
واعتذر عن الرد على القصيده لانني مشغول وفي ظروف خاصه صعبه وارجو قبول عذري وتقبل
سلامي واحترامي
وفقك الله

اخي العزيز الشاعر سالم البلوي
صح الساتك وبارك الله يك شاعر تجيد صياغة المفردات على رونق خاص
الحقيقه القصيده كلها اعجبتني وخاصه التلاعب بحروف الاسم وتقسيمها وعكس اقسامها
لله درك -
واشكرك على نوجيه القصيده لي وهذا مما يشرفني
واعتذر عن الرد على القصيده لانني مشغول وفي ظروف خاصه صعبه وارجو قبول عذري وتقبل
سلامي واحترامي
وفقك الله

أول شي الله يعينك ويسهل أمورك
ثاني شي عذرك مقبول وعمرك يطول وأنت شاعر كبير وتبقى كبير وأتعلم منك
(وترى ما أرسلتها أبيك ترد عليها )
أنا أرسلت لك القصيده وأنا طامع بقولة (صح لسانك ) وقلتها وهي تكفيني