قصيده للشاعر / ناصر عبدالله العرادي

ياجمة الاعذار ليه المشاريه
اخاف من غلطه بعيدا مداها
يارد بها اللي مايحسب تواليه
مابين مزح وجد غثرب صفاها
ان قلت مزح يصير للعلم تنويه
وان قلت جد الناس بين خفاها
ويفرح بها اللي مايميز معانيه
عينه على الزله ويبحث وراها
غصبا علي اصد ماكني اوحيه
واحطها بوجيهنا مع لحاها
ماني بعاجز بس ماني مراعيه
ولاودي الغلطه يعود صداها
كله لجل قدر البناخي بنيخيه
طوفتها عنوه على الله جزاها
وكلن على عرفه وفهمه نجاريه
والناس يفرق بالعقل مستواها
احدن ينومس كل ماحل طاريه
مثل النجوم اللي تشع بسماها
واحدن عن الطولات تقصر هقاويه
والمرجله لو تنشري ماشراها
ياليت بعض الناس يعرف خوافيه
قبل انتقاد الناس وقبل يهجاها
قلته لعل فلان يحسب خطاويه
لا يدرق بالنار خايف سناها
وانا كلامي وازنه قبل مابديه
تشهد لي صغار العرب وومراها
///
وسلامتكم .....

اعتذر لجميع الاعضاء الكرام عن سوء تنسيق القصيده

وانت سالم وغانم
وصح لسانك
قصيده راائعه

صــــــح لــســااانك