للطيب ابدا

للطيّب ابدا بالكلام المثمن = واحسب حسابي قبل ينطق لساني
واقول قولي بالكلام المطمن = والطيب صبغه والقصائد معاني
وحروف شعري للعوالي يزمن = تاصل بروج المعرفه في ثـــواني
وبعض الحكي لوضاع ماهو مسمن = كم واحد من مايثيره يعاني
والراي شوري والنصايح يعمن = والعمر لو طول مع الوقت فاني
وبعض الخلايق ديدنتها التخمن = يزيد بالمشروع مع كل باني
وبعض الذهوب من الولايف يلمن = والوقت يجمع بين حاكم وجاني
ولا تامن للي بالوصيه مأمن = يخون لا دارت عليه السواني
وان عادها لو قال منى تطمن = لا تصدقه هذايسمى انا ني
واختامها بخلاصه القول تمن = والتجربه برهان واقع زماني

صح لسانك يا ابو عليان
صراحه قصيدة جزله من شاعر جزل
تقبل حبي وتقديري

صح بدنك وارجو من لاخوه الكرام تنسيق القصيده

صح لسانك قصيدةجزلة

صــح لسااانك ................